URUTAU

Versión de LINO TRINIDAD SANABRIA

URUTAU

          "Arakare" ningo peteĩ mburuvicha ñande ypykue ipy'a hatãitereíva¹. Peteĩ ñorairõ guasu aja, ho'ára'e ipoguýpe peteĩ mitãrusu hechapyrãva, hérava "Jaguarainga", ha ojukarãngue, ogueru hendive hekohápe. Jaguarainga oje'e ichupe oñorairõre mantérei jaguarete ndive. Umi kuñanguéra ohecháva guive Jaguaraingápe, ipy'a reraha² katuete hese.

         Heta ambue kuñáicha, peteĩ Arakare rajy iporãvéva, hérava "Urutĩ", ojoguáre guyra morotĩme, iñakãku'e³ avei hese. Are oiko rire omañambuku ñemi ojuehe upérupi, ojerure itúvape omomenda haguã ichupe pe karia'ýre. Arakarépe ndo'a porãi ha mba'eveichavérõ ndoipotái omenda tajýra hese. He'ivoi chupe oñembyesaráintema haguã ichugui.

         Heta oñeha'ã rire Urutĩ ombopy'a hu'ũ haguã túvape, ha ohechámarõ nome'ẽmo'ãivoínte ichupe hembipota⁴, ipy'aremimbyasýpe⁵, tuichaitereíre mborayhu oñandúva pe karia'ýre, osẽ oho rei ha oike okañy ka'aguýre, mombyry hekohakuéragui.

         Arakare ohenoi'uka peteĩ paje rerekua oikóva upe távape jahechápa nde'íri chupe mamoitépa ohóra'e okañy tajyra. Sapy'aitérõ guarã he'íma katu ichupe.

         Omondo ipiari mbohapy kuimba'e ijeroviaha⁶. Ojuhu hikuái Urutĩme ha katu ndaikatúi ogueru ichupe. Ndoikuaaséi mba'eve pe kunataĩ; he'ivoi oikotaha ha'eño pe ka'aguýre omano meve, ndohejamo'ãirõ ichupe túva ombojoaju hekove pe imborayhu jára ndive.

         Arakare oporandu jey paje rerekuápe mba'épa ikatu ojapo ogueru jey haguã tajýrape hendive.

         - Emoguahẽuka hendápe peteĩ marandu ombopy'a angatáva'erã⁷ ichupe ikatu haguãicha hesarái pe karia'ýgui, he'i paje rerekua Arakarépe.

         Oje'ói jey hikuái umi mbohapy kuimba'e Urutĩ rendápe ha he'i chupe oiko hague peteĩ "mba'ete"⁸ itávape ha omano hague itúva ha isy.

         Urutĩ opyta omaña mbarete atã hesekuéra, he'i'ỹre mba'evete vera.

         Upéi, omaña mombyry arapahágotyo⁹, opytaite upépe ku határõ guáicha.

         Upémarõ, peteĩa¹⁰ umi kuimba'e oñemboja hese ha he'i chupe mbeguemi ijapysápe Jaguarainga omano hague avei. Upéa ha'etévaicha opokóva ine'ãre. Oñepyrũ  oryrýi ipýgui inakã meve; ohupi ha ombovava umi ijyva ku oñeha'árõ guáicha oveve haguã. Upéicha oĩhágui hína, ojetyvyro¹¹ mbarete sapy'a ha oiko ichugui peteĩ guyra; oveve pe henondepekuéragui mbeguekatu ha okañy ka'aguy yvatére. Péa ha'e Urutau, oikóva upete guive ha'eñomi, ojechaukaguasu'ỹre¹², hasẽ asy pyharekue ka'aguy mbytére, ku ohenóirõ guáicha hembiayhu mombyry ikatu ỹva'ekue ohupyty.

1. Py'ahatã: inflexible. Rígido.

2. Py'a reraha: Cautivar, embelesar

3. Akãku'e: Enamorarse (figurado)

4. Hembipota: Su deseo, su anhelo

5. Ipy'aremimbyasýpe: Muy a pesar de ella, de él

6. Ijeroviaha: De su confianza

7. Py'a angata: Preocupación, tristeza

8. Mba'ete: Desgracia, tragedia

9. Arapahágotyo: Hacia el horizonte, lejanía.

10. Peteĩa: Uno de ellos, de los tres

11. Ojetyvyro: Se sacudió

12. Ojechaukaguasu'ỹre: Casi sin hacerse ver, sin mostrarse

Ilustración: NICO

URUTAU

          "Arakare" era un cacique guaraní muy rígido en sus procedimientos. Luego de un combate, había caído en su poder, como prisionero, un apuesto joven de nombre "Jaguarainga", y en lugar de sacrificarlo, le trajo consigo en el pueblo. El nombre que ostentaba el joven prisionero tenía relación con su manía de enfrentarse con frecuencia con el temible tigre. Las mujeres, al verlo, quedaban embelesadas por su estampa varonil.

         Como muchas otras mujeres, una de las hijas de "Arakare", la más hermosa, llamada "Urutĩ" por tener semejanza con una paloma blanca, quedó enamorada también del prisionero. Después de algunos encuentros accidentales por los alrededores, "Urutĩ" le pidió a su padre que la uniera en matrimonio con "Jaguarainga". No cayó bien al cacique el pedido de la hija; no le gustó para nada el planteo. Le dijo que irremediablemente tendría que olvidarse de él.

         Después de mucha insistencia al ver que no lograría el consentimiento del mismo, muy a pesar de ella, ante el gran amor que sentía hacia el joven, "Urutĩ" salió desahuciada de la casa; se internó en la selva, lejos del pueblo.

         "Arakare" hizo venir a una hechicera que vivía en la comarca y le pidió que averiguara dónde se encontraba exactamente la hija. En un rato la hechicera ya descubrió y reveló al afligido padre el lugar exacto en que se encontraba la joven.

         Comisionó a tres hombres de su confianza para que llegaran hasta el lugar en que se encontraba "Urutĩ" y la trajeran. La ubicaron pronto, pero "Urutĩ" no aceptó volver; se negó diciendo que estaba decidida a vivir sola en la selva por el resto de su vida, salvo que su padre le permitiera unirse en matrimonio con el dueño de su amor.

         "Arakare" insistió y preguntó a la hechicera cuál sería la forma de volver a traer a la hija consigo.

         - Hazle llegar alguna noticia infausta que le produzca preocupaciones y tristeza y que no le permita seguir pensando en el joven, le dijo la hechicera.

         Inmediatamente, los tres hombres vuelven juntos a "Urutĩ" y le comentan que en el pueblo habla sucedido una desgracia y que tanto su padre como su madre habían fallecido.

         "Urutĩ" quedó mirando fijamente a los hombres, sin decir una palabra.

         Luego, clavó la vista hacia el horizonte y quedó muda, como petrificada, inmóvil.

         Tratando de provocar en ella alguna reacción, uno de los hombres se le acercó y le susurró al oído haciéndole saber que también "Jaguarainga" había muerto. Esa noticia realmente la hizo reaccionar; le afectó profundamente y comenzó, siempre sin decir una sola palabra, a tiritar como si estuviera muerta de frío. Empezó a mover los brazos como si intentara volar y, de pronto, sacudió violentamente todo el cuerpo y se convirtió en un enorme pájaro. Levantó vuelo lentamente y se perdió en lo alto de unos montes cercanos. Esa es "Urutau" que, desde entonces, sigue viviendo solitaria, casi sin hacerse ver, lamentándose por la selva, en la noche, como clamando la presencia del lejano amor que no pudo lograr.

Fuente: MOÑE’ẼRÃ GUARANÍME. PARAGUÁI ÑE’ẼSYRY ATY PORAVOPYRE MOÑE’ẼRÃ. PROSAS ESCOGIDAS PARA LECTURA EN GUARANÍ. Obra de LINO TRINIDAD SANABRIA. Colección Biblioteca Paraguaya de Antropología(CEADUC) Vol. 50. Edición Bilingüe. Ilustración y diseño de tapa: NICO. Asunción-Paraguay 2005, 249 páginas