|
|
 |
|
JUAN MANUEL
CABALLERO |
|
| |
GODÓI FUSILAMIENTO (Fragmento)
|
|
 |
GODÓI FUSILAMIENTO
(Fragmento)
JUAN MANUEL
CABALLERO
(Enlace a datos biográficos y obras
En la GALERÍA DE OBRAS del
www.portalguarani.com )
GODÓI FUSILAMIENTO
Peteĩ asajepyte
Concepciónpe oñehendu
Cuartelpýpe mbokapu
Oikuaa'ỹva avave.
.
Heta gente pya'e oho
Ijaty cuarteletépe
Ohecha hikuái upépe
Los milicos rembiapo.
.
Peteĩ oficial pyahu
Ombofiesta isanto ára,
Ombyaty icamarada
Ojapo karu guasu.
.
Iñepyrũrã opika
Aperitivomimi.
Ha mesápe ojeserví
Champán ha víno porã.
.
Huvichakuéra iñakãme,
Mayor Medina oguapy.
Upégui opu'ã ipochy
Oficial rova'atãme.
.
Ha ko mburuvicha
Ohecha ha ombyasyete,
Máichapa oñecorrompe
Peteĩ ijeroviaha.
.
Karu guasu opa mboyve
Osẽ oho oike cuartelpe,
Ha ohenói oguenondépe
Ha ohague'o ichupe.
.
Mamópa toadiviná
El Subteniente Morínigo,
Ombyatýrõ a sus amigos
Tuguýpe opava'erãha.
.
Ikotýpe ojearresta
La isanto hũ va'ekue.
Ha Godói, iñirũngue,
Icuartel osubleva.
.
Cinco tiros ohendu
Mayor Medina. Ha osẽ...
Mba'épane ohechase.
Sublevación ojuhu!
.
Ohecha ichupe Godói.
Oñembyesa'i hese.
Máuserpe ikoty guive
Ha oimo'ã nomanói.
.
Oasegura he'ongue.
Godói ojapi jevy.
Medina ykére oity
Upépe oikéva guive.
.
Morínigo ha Fariña
Oheka huvicha lado.
Como valiente soldado
Omoirũ al Mayor Medina.
.
Pe fuerza oñeformamba.
¡Omyenyhẽ korapy!
Osyry upépe tuguy...
¡Ndojekuaái mba'erã!
.
Oikeva'erã oikepáma,
Omanova'erã omanóma.
Godói ijuego ojapóma
Ha okañyva'erã ohopárna.
.
Umi ambue oficialkuéra
Nodisponéi mba'eve:
Ha Godói ha'eñoite
Ojapo upérõ la guerra.
.
Godói ndaje osẽ ohecha
Umi iñirũ retekue.
Cuartelpy omyenyhẽ
Pe mboka juru rakuã.
.
Ojuka iñamigoite,
Huvicha ha icamarada!
¡Ñaimo'ã itarováva
Ko Godói rembiapokue!...
.
Oñanima'ỹva'ekue
Ojapo umi militar,
Ocumpli particular
Mbokapu ohendu vove.
.
Opa rire sarambi
Oho Godói oñeno.
El pueblo de Concepción
Oike upépe omonámbi.
.
Continúa…
ESCUCHE EN VIVO / LISTEN ONLINE:
GODÓI FUSILAMIENTO
.
Fuente: POESÍAS DEL PARAGUAY – ANTOLOGÍA DESDE SUS ORÍGENES. Realización y producción gráfica: ARAMÍ GRUPO EMPRESARIAL, Dirección de la obra: OSCAR DEL CARMEN QUEVEDO. Recopiladores y autores: RAÚL AMARAL, MARÍA BARRETO DE RAMÍREZ, AÍDA ORTÍZ DE CORONEL, ELA RAMONA SALAZAR S., RUDI TORGA / Tel. (595-21) 373.594 / arami@rieder.net.py – Asunción / Paraguay. 2005. 781 pp.).
MÚSICA PARAGUAYA - Poesías, Polcas y Guaranias - ESCUCHAR EN VIVO - MP3
MUSIC PARAGUAYAN - Poems, Polkas and Guaranias - LISTEN ONLINE - MP3
|
Bibliotecas Virtuales donde fue incluido el Documento:
| Leyenda: |
 |
Solo en exposición en museos y galerías |
 |
Solo en exposición en la web |
 |
Colección privada o del Artista |
 |
Catalogado en libros en artes visuales o exposiciones realizadas |
 |
Venta directa |
 |
Obra Robada |
|
|
| Buscador PortalGuarani.com de Artistas y Autores Paraguayos
|
Portal Guarani © 2015
Oficina: Asunción Super Centro - Gral. Diaz entre 14 de Mayo y 15 de Agosto - Local 372, 2do. Piso
TeleFax.: 451-486 - Contacto: info@portalguarani.com
PortalGuarani.com en fuente oficial de informaciones e imágenes del Paraguay para Wikipedia.org
Asunción - Paraguay - Proyecto Desarollado por Apunto
|
|
 |
|
|
