KUÑA PYNANDI
Ambojeguamíta che mbaraka ptipe ñe'ẽmi aipyaháva
Che ñe'ã ruguágui este día heñóiva ko sonserami
Apoi yvytúre ikatu haĝuáicha tapicha maymáva
Umi herunguáre oĩva entero cherendupami.
Ymaite guivéma pomoherakuãva purahéi porãme
Peẽ che reindy yvoty okára "kuña pynandi"
Ha péina jasýpe aipovã gua'u heta ñeha'ãme
Ha pende apysápe aipota oĝuahẽ ko che guarani.
Ndeykére ohasávo ha'ete reikéva ku yvotytýpe
Jáma rehetũne reseda ryakuã, clavel, pacholi.
"Adiós" he'ikuévo nerenóivaicha pe ipukavýpe
Ha ima'ẽ rorýpe ñaneapytĩma "kuña pynandi".
Hetaite jurúgui oiko tesaráipe kuña okaraygua
Ha péina ko'áĝa che kũgui ajora puraheirãmi.
Tove yvytúre ku ka'a porãicha hi'ã herakuã
Angaipa voíva, jukymemetégui "kuña pynandi".
Tupãópe ohóva pehechávane tupãsy isitiálpe
Ipynandimínte, naiñakãcha'ĩri, ni noñepintái
Ndapehechaichéne tavahúpe oikórõ sapatu joguávo
Ha lo mismoite mamove hendápe ndojedespreciái.
(1944)
.
KUÑA PYNANDI. Con el rasgueo de la guitarra, rinde homenaje a la mujer campesina, la que la primera mitad del siglo XX conservaba su bellaza natural, con sus pies descalzos, su hechizo de flor silvestre. Va a la misa los domingos como una torcaza con su perfume de clavel y pacholí. Cuando saluda, con su voz desgrana una sonrisa que parece imitar al amor. Exalta la virtud de la mujer de pueblo, porque no se deja seducir poe el oropel de una alienante modernidad.
.
Lectura recomendada: POESÍA PARAGUAYA EN GUARANÍ por RUDI TORGA
Fuente: POESÍAS DEL PARAGUAY – ANTOLOGÍA DESDE SUS ORÍGENES. Realización y producción gráfica: ARAMÍ GRUPO EMPRESARIAL, Dirección de la obra: OSCAR DEL CARMEN QUEVEDO. Recopiladores y autores: RAÚL AMARAL, MARÍA BARRETO DE RAMÍREZ, AÍDA ORTÍZ DE CORONEL, ELA RAMONA SALAZAR S., RUDI TORGA/ Tel. (595-21) 373.594/ arami@rieder.net.py – Asunción/ Paraguay. 2005. 781 pp.).
