HA PILINCHO

Letra:  TEODORO S. MONGELÓS

Música: TOLEDO NUÑEZ

Mamógui piko ahendu piririta ne ñe'ẽ.

Naimo'avéima vaekue ko'arupi rojuhu.

Ko che ñe'ã reikutu ha apytava upe guive

techaga'u yma guare che ãngakuape ipyahu.

Che resa resa rei pe korapyre ajere.

Ape ha pépe ama'ẽ hi'ãgui rohechami.

Mamóma piko avei reju ko asajepyte

che mbyesay haguãite reñe'ẽ asyetei.

Pe kokuerei ku yma kurupícha asajekue

che pytu opahapeve ajeitymi romuña.

Ha agã aju che tuja mombyrýma okágui aime.

Ha ambyasy ahejahágue ka'aguy ha ñu porã.

Oimévapo ku oikove ako che tupãsymi.

Kuña koygua piretĩ che akã vaimi hague.

Anichene jepe ha'e cherehe na imandu'ai,

anichene ku hesarai rojohayhueterõ guare.

Py'avai ha ñana uperõmi ndaikuaái,

ha okaraygua naimo'ãi tesaraípe oikóvaha.

Péina ko'agã ahecha ha upéicha rupi heñoi

che küre ko purahei maymáva ohendu haguã.

Hípa upe ndajaykuái kokue, kuarahy ha ama.

Ha okaraygua rembiasa hipa upe ndajahechái.

Hi'ãnteko asapukái ha ha'eseva ha'e:

chokokue reko asykue ko che jurupe nda'yjái.

ESCUCHE EN VIVO/ LISTEN ONLINE:

HA PILINCHO

Intérprete:  ÑAMANDÚ

Material:  CRECEREMOS

ENLACE INTERNO A ESPACIO DE VISITA RECOMENDADA

(Hacer click sobre la imagen)

ENLACE INTERNO A ESPACIO DE VISITA RECOMENDADA

(Hacer click sobre la imagen)