PortalGuarani.com
Inicio El Portal El Paraguay Contáctos Seguinos: Facebook - PortalGuarani Twitter - PortalGuarani Twitter - PortalGuarani
MATILDE GALEANO DE AGUIAR

  FREDDIE MERCURY (1946-1991) - Ombohasa MATILDE GALEANO


FREDDIE MERCURY (1946-1991) - Ombohasa MATILDE GALEANO

FREDDIE MERCURY (1946-1991)

Ombohasa MATILDE GALEANO

 

 

Freddie Mercury o’a isla Zanzíbar, Tanzania-pe, 5 jasyporundy 1946-me. Itúva Bomi ha isy Jer Bulsara, ha’ekuéra ha’e parsis-kuéra rehegua Gujarat, India Británica-ygua. Herajoapy Bulsara ou táva Bulsar réragui ojeikuaaáva avei Valsad-ramo, oĩva Gujarat ñembygotyo. Freddie Mercury oiko zoroástrica jeroviapýpe ha ojerovu ha’ehaguére persa ñemoñare. Upéi Bulsara oñopehẽnguéva ova Zanzíbar-pe, péicha oñeñe’ẽmondógui itúvape ha’éva diplomático. Freddie Mercury oguereko peteĩ heindy hérava Kashmira.

Ary 1954-pe, oguereko jave poapy ary, oñemondo oñemoarandu hağua St. Peter’s School-pe, péva ha’e peteĩ mbo’ehao kuimba’épe ğuarãnte Pachgani-pe, naimombyrýiva Bombay-gui, India-pe. Upépe ijaty banda The Hectics, ombopuhápe piano. Peteĩ iñangirũ he’i ikatupyryetereiha ohendu ha ojapojey hağua tyapu piano-pe. Upépe avei oñepyrũ ojeikuaa Freddie-ramo. Mercury okakuaa India-pe, itia ha ijarýi ndive.  

Oguereko jave papokõi ary ova hikuái Middlesex, Inglaterra-pe. Oñepyrũ oñemoarandu universidad West Thames-pe, mbo’esyry arte reheguápe. Upépe oñeme’ẽ chupe peteĩ kuatia’atã Diseño Gráfico rehegua, ko mba’e oipuru upéi ojapo hağua Queen ra’angarã. Mercury opyta oiko Inglaterra-pe omano meve.

Jasyrundy ary 1970-pe, Mercury oikuaa ypy Brian May, mbaraka mbopuha ha Roger Taylor batería mbopuha, Mercury oiporavo "Queen" ijaty rerarã. Omoambuete héra "Freddie Mercury"-pe oguerekógui pokatu he’i.

Oikuaa ypy ary 1970, Mary Austin-pe, hendive oñomoirũ heta ary West Kensington-pe. Upéi oikuaa peteĩ ejecutivo, compañía Elektra Records-peguápe, ko mba’e omomombyry chupe Mary-gui, ojopoi hikuái ha opyta iñangirũteéramo ko mitãkuña.  Peteĩ jey ñe’ẽjoyvýpe he’i: “heta oĩ cherayhúva, oporandúva mba’érepa namyengoviái Mray-pe, ha che ha’e upéva ndikatumo’ãi, ha’e chéve ğuarã che rembirekóicha, che aguerovia oúva chugui añeteha” heta purahéi ojapo Mary-pe ğuarã, "Love of My Life" ha’e pe ojeikuaavéva. 

Ary 1985-pe, Mercury oñomoirũ peteĩ peluquero hérava Jim Hutton ndive, poteĩ ary rire oikuaa oguerekoha VIH ha oiko Mercury ndive omano meve.

Ára 22 Jasypateĩme 1991-me, Mercury ohenói Jim Beach ha’éva manager, ha ojerure oñemombe’u hağua ojapyhy hague SIDA, mba’asy vaiete, ha ojerure opavave iñangirũ ha ipohãnoharakuérape toipytyvõnte hağua chupe jahechápa ndokuerái.

Péicha 24 jasypateĩ 1991-me, Freddie Mercury omano, upérõ oguereko 45 ary. Kuatiápe he’i omano hague bronconeumonía-gui, ojapyhýva chupe Imba’asy VIH rapykuerére.  Elton John, David Bowie ha Queen atypegua oĩ upérõ. Hete oñembokusugue ha ndojeikuaái moõitépa opytu’u. Oĩ he’íva Mary Austin omosarambi hague Lago Lemán pukukue Suiza-pe, oĩháme peteĩ ha’anga mandu’arãramo, táva Montreux-pe.

Kuatiápe oheja ñe’ẽmondo, opaite mba’e oguerekóva, hóga, ha ipuraheikuéra rehegua toñeme’ẽ Mary Austin-pe, ha sa’imimi ipehẽnguekuéra ha heindy Kashmira-pe. Carrera

Mercury ohai pa purahéi oĩva álbum Greatest Hits: “Bohemian Rhapsody”, “Seven Seas of Rhye”, “Killer Queen”, “Somebody to Love”, “Good Old-Fashioned Lover Boy”, “We Are the Champions”, “Bicycle Race”, “Don't Stop Me Now”, “Crazy Little Thing Called Love” ha “Play the Game”.

Omboheko ipurahéi, péicha ojapo rockabilly, rock progresivo, heavy metal, gospel ha disco.

 

Ombohasa MATILDE GALEANO.

(marandu Wikipedia-pegua)

Documento facilitado por la Prof. MATILDE GALEANO

Registro: Octubre 2011






Leyenda:
Solo en exposición en museos y galerías
Solo en exposición en la web
Colección privada o del Artista
Catalogado en artes visuales o exposiciones realizadas
Venta directa
Obra Robada




Buscador PortalGuarani.com de Artistas y Autores Paraguayos

 

 

Portal Guarani © 2024
Todos los derechos reservados, Asunción - Paraguay
CEO Eduardo Pratt, Desarollador Ing. Gustavo Lezcano, Contenidos Lic.Rosanna López Vera

Logros y Reconocimientos del Portal
- Declarado de Interés Cultural Nacional
- Declarado de Interés Cultural Municipal
- Doble Ganador del WSA