AJHAYJHUGUI YASYPE
.
AJHAYJHUGUI YASYPE
Ajhayjhúgui pe yasýpe
che mita’miguive
jha upevere jhataindýpe
aimese amano rire.
Yasýnte voi oicuaáva
mayma che rembiasacue
jha jha’ente ojhovasáva
che guatajha umi tape.
Ajhayjhúgui pe yasýpe
che rovayváva jhese
ñu mbytépe, ca’aguýpe
jha’énte che resape.
Mba’e mbyasýpe oyechárö
yasymi mante vaerä
osë che mbovy’ajhárö
che pyjhare amuesacä
Ajhayjhúgui pe yasýpe
ñe’egái nomomba’éi
cuña che apiro pochýpe
yasýpe nde apurajhéi.
Yasymirejhe ama’ërö
ipyajhu che recove
jha che catu co’ëvévo
añandu che mbarete.
Ajhayjhúgui pe yasýpe
Ayeruréva ichupe
aime rire che tyvýpe
toma’ëmi che rejhe.
Yasýnte mamo oimejhápe
tomoirü che curuzu
aico rire jhayjhupápe
ambuecovia yepoyjhu.
Ajhayjhúva pe yasýpe
areco jha’e vaerä
jha ajha jha’ára iyïpýpe
aguajhëne añanua.
.
Fuente:
Recopilación: MARIO HALLEY MORA
y MELANIO ALVARENGA.
Asunción-Paraguay 1991.
.
ENLACE A LA GALERÍA DE MÚSICA PARAGUAYA
EN PORTALGUARANI.COM
(Hacer CLICK sobre la imagen)
Letras de Música Paraguaya
MÚSICA PARAGUAYA - Poesías, Polcas y Guaranias - ESCUCHAR EN VIVO - MP3
MUSIC PARAGUAYAN - Poems, Polkas and Guaranias - LISTEN ONLINE - MP3
♦
|