KUNU’Ũ POHÉI/ JEPEVÉMO/ ÑEMYRÕ REKO
Poesías en guaraní de SABINO GIMÉNEZ
KUNU’Ũ POHÉI
Ñamopeteĩ na
ñande mborayhu
ñane ánga kuápe,
jaikóne torýpe
mborayhu iyváre,
kuñataĩ mi.
Repukavymírõ
che apurahéine,
che aguarahára.
Oñondivemínte
jaikóne torýpe
kunu’ũ pohéi.
Ñandénte voi ojupe guarã
ko yvy apére, che mborayhuhára.
Ñasẽna ojoykére
yvytu pepóre
mborayhu reka.
JEPEVÉMO
Chesu’u, chejopi, amonde pijoha,
pyhare cheiopy, ndajuhúi pytu’u.
Añandu ipohýi che akãme angata,
iruru che ñe’ã ha oryrýi che pytu.
Jepeve ñembyahýi ysypo chenupã,
mboriahúgui apu’ã mba’eve aisu’u,
ahecha, abendu mondaba hetaha,
ñorairõ jejuka oguyru tavahu.
Iñañáva oiguyru oityse ko tetã
pokarẽme ojuvy, mbykypáma ipytu;
okañy tesape, pytũ háre ja’a,
avave nombyasýi ko tetã jepoyhu.
Hypy’ũ apovõ ha isỹima ahecha
ipo’i, ikarẽ, iky’a mondaha remiandu.
Iporãma va’erã japaymi, ñapu’ã
tetãgua sapukái tojokuái mborayhu.
ÑEMYRÕ REKO
Aipota va’ecã rejubu nde pepo rupíva,
nde rehe aguarágui oñepyta’ãva repu’ã haguã,
ñaimo’ã va’erã oiméne haguã nderayhuse’ỹva,
nde rehe oityséva kurusu ipohýiva remano haguã.
à ndekuaa’ỹva ndohechakuaái nde rerekóva
nde rapo añetégui hasymi yvytu ndereity haguã.
Nda’aretevéima ore retavévo nderayhu añetéva
nde poyvi rováre rosẽmi haguã ku rohechauka.
Ñamokirirĩta moñái vaieta pokarẽ omo’ãva,
nde yvy oñamíva kokuegua rováre oikóva opuka;
ñemyrõ reko ombohetase ã hova mokõiva,
mbóicha pytũ mbype oñembuapu’áva ondyvu tata.
Ãva ndohechái ha nomomba’éi tetãgua oipotáva,
ku kyvu kyvúicha oraha oguývo ko ñane retã.
Hápema opa ñande yvýpe ñanembovaváva,
jahekaha’ãma ñanderayhumíva mburuvicharã.
Fuente:
ÑE’ẼPOTY ATY – VOCES DE POETAS EN GUARANÍ
Por FELICIANO ACOSTA y NATALIA KRIVOSHEIN DE CANESE
Editorial Servilibro,
Asunción-Paraguay 2005
ENLACE INTERNO A ESPACIO DE VISITA RECOMENDADA
EL IDIOMA GUARANÍ, BIBLIOTECA VIRTUAL en PORTALGUARANI.COM
(Hacer click sobre la imagen)
