Che yvoty mirĩ
(kotyhu oka)
Guasu Kora, Villeta 1995
Pore’ỹ rata che rete rapy
nderejúi rupi che jeguakami
nepyambu neipo ne ñe’ẽ ahendu
rohechanga’u che yvoty mirĩ.
Mba’épa nde ere kuña piretĩ
ehejána chéve nde jechakague
anýma haguã che reguã rasy
nde rechanga’úgui che yvoty mirĩ.
Ei apyingua re’ẽ nde juru
kotyhu ñesũ nde rete koni
nde poku ha’e ku guachã mirĩ
Ñande Ru rajy kuña piretĩ.
Che roýpy oime ñane mba’erã
itymbýryeta koyngusu ja’e
ha tamora’e che po’a ko’ẽ
kuña piretĩ jaha chendive.
