ÑE’Ẽ - POEMARIO EN GUARANI PAĨ, GUARANÍ PARAGUAYO Y CASTELLANO
por GREGORIO GÓMEZ CENTURIÓN
(PARAGUÁI RE’ÝI. CHOKOKUE HA PAINGUÉRAGUI HENDUPYRE.
KUÑA HA KUIMBA’E, JEGUAKA HA JASUKÁVA REMIANDU)
ESCUCHE EN VIVO/ LISTEN ONLINE:
Kenchi
Saladillo, Concepción, agosto de 1977
Ñaipytyvõhárõ ñande rapichápe
vaicha jahayhúgui ñane pehẽngue
ñe’ẽ apesã poravopyréva
py’ỹi ñandekuéra jaiporu ojuehe.
Ha pe oñe’ẽ’ỹ oporombo’éva
pokãmi voínte jajuhu añete
hetave uvei ñe’ẽ jaiporúva
jakopi haguãnte, yvuku raimbe.
Che py’a rnbytégui ahecharamóva
oporombo’éva hekove rupi
hembiapokuepýpe mborayhu omyasãiva
ha oikotevẽ’ỹva oñe’ẽ rei.
Upéicha rupi hendypu che akãme
ko ñe’ẽ yvoty mbyky ra’ymi
oguenohẽséva tesarái rapégui
tapia guarâma nde réra, Kenchi.
Mborayhu resãi ijasukapáva
katuetéko oiméne ne ãme oñemi
ajevérõ péicha pukavysyrýre
tory pepo ári nde reko oñani.
Mitã’i pyatã akói nde rekópe
tetia’e pyapýre syry repuka
ku pire vai nda’ijái nde vokópe
ha nahendaguãi ate’ỹ rupa.
Ndéko reikuaáma mba’épa iporãva
ha na’iporãmbáiva reikuaa avei.
Ha hi’ã va’erã araka’evénte
Nanemoyguatãi “jekuaa rei”.
ENLACE A
ÑE’Ẽ - POEMARIO EN GUARANI PAĨ, GUARANÍ PARAGUAYO Y CASTELLANO
por GREGORIO GÓMEZ CENTURIÓN
EN PORTALGUARANI.COM
(Hacer click sobre la imagen)
MÚSICA PARAGUAYA - Poesías, Polcas y Guaranias - ESCUCHAR EN VIVO - MP3
MUSIC PARAGUAYAN - Poems, Polkas and Guaranias - LISTEN ONLINE - MP3
