ÑE’Ẽ - POEMARIO EN GUARANI PAĨ, GUARANÍ PARAGUAYO Y CASTELLANO
por GREGORIO GÓMEZ CENTURIÓN
(PARAGUÁI RE’ÝI. CHOKOKUE HA PAINGUÉRAGUI HENDUPYRE.
KUÑA HA KUIMBA’E, JEGUAKA HA JASUKÁVA REMIANDU)
ESCUCHE EN VIVO/ LISTEN ONLINE:
Mitakuña’i
Saladillo, Concepción Agosto de 1977
Mitakuña’i typói mbykymi
rasa ne michĩ nde kupy po’i
pysãpẽ puku pysã sarambi
jepe ne michĩ reikuaáma nde
mba’éicha rupípa nde rópe asaje
sapy’ánte osẽ mandi’o nandi.
Ña Huána po’i nde sy ojehero
ha nde ruanga karai Uló
nde sy ndereja mitã rerekua
víllape orahárõ chipa ajaka
eipiro pya’éke pe ne mandi’o
nde kyvy mimi okepa’aja.
Nde ryke je oime rasa oiko porã
isái jopyru tuicha je ikyra
ha oiméma he’íva omendataha
mitãrusuete karia’y porã
túva ha isy mbojeroviapy
hi’uru ra’y ndaje ikichîha.
Ma’ẽ ndaje nde ko Mariaisabel
voiete osẽva oho mombyry
oipyguarapámaje Paraguay
py’ỹi ndaje osẽ mba’yru porãme
herekua ykére omba’ejogua
mávapa oimo’ãta ajéiko ipo’a.
Ha nde ruanga mba’éichapo oiko
sapy’amirãicha osẽva’ekue oho
po’ave rekávo viru mono’õ
aipo itaipúpe ndaje omba’apo
ojere ha’óra ko ikatuva’erã
ndéve ogueru nde sái pyahúrã.
Mitakuña’i typói mbykymi
rasa ne michĩnde kupy po’i
pysãpẽ puku pysã sarambi
jepe ne michĩ reha’ãmbaite
nde ru pore’ỹme nde rópe anive
rasaite ipokã hi’úpyrãmi.
ENLACE A
ÑE’Ẽ - POEMARIO EN GUARANI PAĨ, GUARANÍ PARAGUAYO Y CASTELLANO
por GREGORIO GÓMEZ CENTURIÓN
EN PORTALGUARANI.COM
(Hacer click sobre la imagen)
MÚSICA PARAGUAYA - Poesías, Polcas y Guaranias - ESCUCHAR EN VIVO - MP3
MUSIC PARAGUAYAN - Poems, Polkas and Guaranias - LISTEN ONLINE - MP3
