Ha hi’arive upe che ra’y tenonderamiva
aréma ikangy, okepa rei, nda hetia’evéi,
hi’aitéko chéve aipohanouka poha arandúpe,
ko’agante aréma ojere vat, ndo aporavéi.
Ha katu oime heta ńemity pora che kokuépe,
jepeve yvy jára peteí irundýgui oipe’ava’era.
Aha’aroite ikatu hagua ko ro’y pahápe
hembýmo anga chéve viru akytami ńepohanora.
Peicha ko ańete ańamindu’u che kokue rapére,
ha aimo’a’yetére peinama ajuhu ko’e sakamba.
Ikatunga’umo ko’a che ańandúva apoi yvytúre,
tojekuaami chokokue reko rasa ipohyiha
Néi, tańepyrúna ko che ka’api, jepe che ańomíro,
ikatu va’erako jasyho mboyve hu’a ahupyty.
Tajovasami ha tejeture Tupame upekuévo
che ra’y ypykue, vokóinte ikatúro, tehesai jevy.
Ha araka’etéíko ikatu aveíne peliengue maymáva;
japay, ńapu’a, jajetyvyr o ha jasapukái.
Jajeputasóvo teta rayhupápe guarani ańetéva
namomdyryry, aréma oipykuáva ńande Paraguái.
