Tetãygua remiandu
Dpto. del Amambay, junio de 1978
Yvoty ryakuã mombyry oñani
ñande ruguy ombyetia'e
ysyry satĩ ogueropojái
Tupãme pe iñembo'e.
Ogueroayvu ko'ẽtamaha
kuarahy resẽvo ára pytãngy
tetãygua py'águi ndopái jerovia
ha ipyapy jovái márõpa ikangy.
Joayhu ha ñepytyvõ che retãygua oikotevẽ
joaju ha tekojojáre maymáva ñandey'uhéi
hípa che retã oikuaa teko guapy añetete
kirĩrĩ ha kyhyje ichupéipo omonguerái.
Kóga pekyeta hyakuãvu rei
vare'a ndaiporivéi
hembipepaite ko'ẽ porãve
oguéta pe mbayuhéi.
Yvyty rovy mombyry opu'ã
ñande jave osapukái
ñane retãygua omombáy haguã
epu'ãke Paraguái.
ENLACE A
ÑE’Ẽ - POEMARIO EN GUARANI PAĨ, GUARANÍ PARAGUAYO Y CASTELLANO
por GREGORIO GÓMEZ CENTURIÓN
EN PORTALGUARANI.COM
(Hacer click sobre la imagen)
MÚSICA PARAGUAYA - Poesías, Polcas y Guaranias - ESCUCHAR EN VIVO - MP3
MUSIC PARAGUAYAN - Poems, Polkas and Guaranias - LISTEN ONLINE - MP3
