Areté guivema aico añandu che mo angecoiva,
ãichaite iporãva mborajhu raity atopa guive,
vaicha vaecue chéve apytamajha tesaraipe guaícha
jha peína ange che añua yvoty po'a memete.
Icatu nga'u cada pyjharé ne añua pe yvaga
mbyya apytepe cu jazmín potyicha rojhecha jaguã,
jha upei tañandú cada cu che ãjhó, che ñe'a oyopýva,
nde rova yképe rojhetũ yave, vevui asyete.
II
Rojhecha ypýrõ jhetaite avy'a
jha jhi'a mi cheve rojhavi'umi.
Co'anga jha'e che rayjhumajha
ajhendu yave ne ñe'enguemi
Ca'aru pytũvo, che añua yave
pacholi ryacuãicha che ñe'ã oveve
yvágape guaichama ojhesape
nde resa yayai che vy'a pavẽ.
Visite la GALERÍA DE LETRAS del PORTALGUARANI.COM Amplio resumen de autores y obras
de la Literatura Paraguaya.
Poesía, Novela, Cuento, Ensayo, Teatro y mucho más.
