NENDIVÉNTE
Poesía de TEODORO S. MONGELÓS
Nendivénte, nendivénte, chenga aimérő avy’apáva
ha hi’ăntemo opa ára ăgaguáicha jajuayhu.
Nendivénte, nendivénte, che ajuhu piro’y maymáva
ha vokóinte rohechávo cheaho’i techaga’u.
Nendivénte, nendivénte, ko che ánga ipiro’ýva
ha ińasăiva che rapére opaiteichagua yvoty.
Nendivénte, nendivénte, che aikóva ha cheresăiva
ha ikatúrő ndeheguínte nahi’ăi chetyre’ỹ.
Nendivénte, nendivénte, che aikoséva opaite ára
ha akói ne mborayhúpe rembogue che mbyay’uhéi.
Nendivénte, nendivénte, che ajuhúva upe che yvága
ha upeháre ndéve ańóma amyasăi che purahéi.
Nendivénte, nendivénte, che aime’ỹrő cheangatáva
ha iko’ẽnga rohayhúgui nde rehénte cheaguara.
Nendivénte, nendivénte, toje’e jepe oje’éva,
tojehu jepe ojehúva, nendivénte che avy’a.