ÑANDE REKOVÉ

Peyuna che yrü yaroyajhe’ó ñande rekové.
Jha aní pemokä, tove tosyry ñande resay.
Ñandeko yaiko ñarökyryrÿ opaité mba’e.
Jha upeicha rupí maro ndokuerái ñane mba’asy.

Mba’eguipiko ñañaime mba’itéi petei ñe’eme.
Jha ñañejha’a ñamosëmbamí moñai vaietá.
Anivé jhaguá yakai chyryry ñande rekovépe.
Jha ñaipojhanó tokuerá yeyko ñane retä.

Aréma yaikó ñambotyryry kurusú pojhyi.
Jha ombo’ypí, yuujheí, kane’o, ñande rekové.
Ytyicha yaikó, ñande mboriajhu, yayapayerei.
Jha umí tekové oiko oisyryku ñande ry’aikué.

Peinako ajhecha jhesakatei ñan de rapéräme.
Jha ikatuvaerä yapytu’umí amongotyové.
Ñamokájha’a ñande resay ñandaojyváre.
Jha ñañejha’a tomboro poí ñande rekové.

JHA CHE RETÄ PARAGUAY

Jha che retä Paraguay: peichaitépa ne porä.
Remimbí. Reyayaipá. Jha anga ku na nde po’ái.
Mamové nde ya jhechai mokoi upe ndeichaguá.
Ikatu poku vaera repu’ä che Paraguay.

Jhi’äntema rojhecha repó reyetyvyró.
Jha upevo tove tosó jhasypevé pe ne sä.
Yvagarejhe epu’ä. Co’yte eyepytasó.
Jhaoré pe ore korasö tove ta ipiro’ypá.

Mayma na nemby teé jhi’äma ropytu’ ú.
Topamí pe repoyjhu, mbareté jha pokarë.
Jha evemante oreavé tesaype royajhu.
Jhi’äma ore porayjhu ipoty jhaoñe ñopë.

Jha che retä Paraguay: piko peichante vaerä,
ne memby nde rayjhujha nde rejhe nda ore po’ái.
Epóna jha esapukái. Jha emondojhó pe ne sä.
Topamí teko asyetá. ¡Jha che retä Paraguay!

Teodoro Salvador Mongelós (1914-1966): Más conocido por Teodoro S. Mongelós, fue uno de los mejores poetas en guaraní. Sus versos tienen una perfección formal extraordinaria y sus contenidos son densos y originales. Un verdadero clásico. La mayor parte de su producción reposa en revistas populares e innumerables versos suyos vuelan en alas de la música. La compilación de sus versos es una necesidad dictada por lo más nacional y popular que se tiene.