PortalGuarani.com
Inicio El Portal El Paraguay Contáctos Seguinos: Facebook - PortalGuarani Twitter - PortalGuarani Twitter - PortalGuarani
EMILIANO R. FERNÁNDEZ (+)

  AVY’AVA NINGO CHE (Canción de EMILIANO R. FERNÁNDEZ)


AVY’AVA NINGO CHE (Canción de EMILIANO R. FERNÁNDEZ)
AVY’AVA NINGO CHE
Canción de
EMILIANO R. FERNÁNDEZ
(Enlace a datos biográficos y obras
En la GALERÍA DE LETRAS del
www.portalguarani.com )

 .
AVY’AVA NINGO CHE
Avy'áva ningo che cu aimerö aty guasúpe
cuña cuimba'e apytepe tajhecha tory pavë
cu ñamano'ÿvaeraicha tañaime mbaracapúpe
purajhéi pyajhu ryacuäme vy'a'yn ñambyesaite.
 
….. jhetaite oime morombi oguajhëva vy'ajhagueäme
….. jha oñepyrüva oipuru cachiái rembiapoite
….. otompi jha osapucái ñorairöma cu ojhecáne
….. výro chusco jhecoitépe ojhekýima opa kyse.
 
Ambue oime itavýgui ayvujhapene oiïseva
purajhéi jhypy ojhendúrö ni vymi nomoporái
omyaña ñe'ëngatu nomocöiri upe oye'éva
icatuete voi michïete jha nde yoyái.
 
….. Jha jheta avei cuña mbarukilla jhecopýva
….. cu idecenteva aguivo jha itajhüva jhecove
….. cacuaa opichorógui opaite jhendysyrýva
….. oguajhëva atyjhape cu loritoicha okeke.
 
Che oimejhápe ayesurúva mbaraca che pyti'áre
tapicha amboyeroviave ndaicuaáiva cu tove
jha ne'iräva ayujhu oyapíva che rováre
ivai jha ndajha'éigui verso mi ayapovaecue.
 
….. Jha upejhare co peëme ayerure cuimba'ecuéra
….. jha cuña mayma peiméva co atýpe chendive
….. añeteramo peyu pejhendúvo co'ä jha'éva
….. aipota py'a guapýpe yayapysaca oyuejhe.
 
Ndaicosevéima toryyárö che chapimi yepevérö
tuyujhü ky'a vaire namonái che capi'i
santo'ÿme namboguy pirimiva che sombrero
cachiäi ndojharuichéne co'ä che verso guaraní.
 
….. Cóina opáma la che verso ne rague catu óga yára
….. emyasë la taguato tosyry upe jhesay
….. mbojhupa tayajhechama oñuarö nde rocarä
….. jha che ápe ajha'äta purajhéi amboyuapy.
 
 
.
Fuente:
Recopilación: MARIO HALLEY MORA
y MELANIO ALVARENGA.
Asunción-Paraguay 1991.
.
Visite la GALERÍA DE LETRAS
del PORTALGUARANI.COM
Amplio resumen de autores y obras
de la Literatura Paraguaya.
Poesía, Novela, Cuento, Ensayo, Teatro y mucho más.





Leyenda:
Solo en exposición en museos y galerías
Solo en exposición en la web
Colección privada o del Artista
Catalogado en artes visuales o exposiciones realizadas
Venta directa
Obra Robada




Buscador PortalGuarani.com de Artistas y Autores Paraguayos

 

 

Portal Guarani © 2024
Todos los derechos reservados, Asunción - Paraguay
CEO Eduardo Pratt, Desarollador Ing. Gustavo Lezcano, Contenidos Lic.Rosanna López Vera

Logros y Reconocimientos del Portal
- Declarado de Interés Cultural Nacional
- Declarado de Interés Cultural Municipal
- Doble Ganador del WSA