CHE RENDUSERÖ GUARÄ
Canción de
EMILIANO R. FERNÁNDEZ
(Enlace a datos biográficos y obras
En la GALERÍA DE LETRAS del
www.portalguarani.com )
.
CHE RENDUSERÖ GUARÄ
Nde pu kena mbaraca
ne sä cuera ani oyuavy
nendive tarojhory
TETÄ reisämbyjhyjha
co pyjharépe aipota
che potyvö mbarete
nde pyri apurajheise
tojhendumi lecaya.
Iporänte che ruvicha
rema'ë mombyrymi
jha ani reme'ë changui
ni vymi cu yuruya
cháke oime pira guyra
opáichagua rereco
najhi'äiva omba'apo
ne potyvömi jhaguä.
Pira pirénte oipota
presupuesto osaingo
jhyénte to mondoro
jha upéi to conspira
umichagua ta'anga
cartongui iyapopyre
najhi'äi araca'eve
ni ndeypyrupi ojhasa.
Che jheta mba'e ajhecha
jha opamba'e ajhendu
ndaicatúiva amombe'u
yepérö che yuru atä
akyjhyye oimérö guarä
che ypyrupi po ñemi
aico umi morombi
omoïse vaera ñujhä.
Mbovy pente ke erovia
poguyro ani jherei
cháke umiva ndajha'éi
patriota ya'e jhaguä
yaca'api vaeräjha
jha'ecuéa ndoicuaái
cocue rape ndojhechái
empleo minte oipota.
Nerendápe oike jha osë
pokarëme oyejhecha
co'ëramo ou jliaguä
oñeoí nderejhe
nde rovápe jhycu paite
icalaguicho oñatöi
jha upëgui tova mocöi
oipuru amongotyove.
Nambi racu opojha
ñasëjhäpe ñajhendu
jha mbovyve reyujhu
ndeykére omano vaerä
opa cu ñemboaguara
discurso oico vaecue
remoyvatämba rire
nderejhe iñe'ëmegua.
Anike che ruvicha
remocö pira cangue
aname ke ere aña
jha SAN BLAS pe ere SAN BLAS
coyguäpe kena erovia
rejhendu ramo che ñe'ë
ipucu co nde rape
jha ani re ñepysänga.
.
Fuente:
Recopilación: MARIO HALLEY MORA
y MELANIO ALVARENGA.
Asunción-Paraguay 1991.
.
|
