GUYRA JHA’EÑO
Canción de
EMILIANO R. FERNÁNDEZ
(Enlace a datos biográficos y obras
En la GALERÍA DE LETRAS del
www.portalguarani.com )
.
GUYRA JHA’EÑO
Ndavy'ái yave corapy guasúpe
reguajhë vaekue guyra jha'eño
reyepoi chéve ne marangatúpe
ñe'ë ombojhoryva co che corasö.
Guyra jha'eño ocágui reyúva
rejheya che äme Yukyry ryacuä
pojhä guasuete che mombytu'úva
máro tesaraipe aity'y vaerá.
Piro'y pojhéi co upe pyjharépe
che yagua cochóme añeno ake
nda che py'apyi celda 23
pe catedral campaña ñe'ë asyete.
Jhe'ise cu jhina cárcel corapype
oimérö ouva nde po yopymi
amigo ejha cu iñe'ë rorype
ne anduvo oguajhërö sapy'a rei.
Jhetánte avei co amigo oñe'ëva
nde rerochichïva nde yvytumi aya
re'árö yrypýpe oñemboyeréva
nde yopy itápe ne mboyajhoga.
Jha nde ndajha'éi umivaichagua
che añandu ipotï pe ne corasö
nde nipo ra'e che mboyoyajha
nde recove cuépe guyra jha'eño.
Aniche vaera aico aya yvy apére
ne rembiapo cue tesaraipe oico
na manoiguive pe nde cuimba'ére
nde pyri avevéne guyra jha'eño.
.
Fuente:
Recopilación: MARIO HALLEY MORA
y MELANIO ALVARENGA.
Asunción-Paraguay 1991.
.
|
