AICOSENTE

 

Canción de GUMERSINDO AYALA AQUINO
.

AICOSENTE

Aicosénte yvytúrö
jha nde ypyrupi ajhasacuévo
vevuimi roipeyucuévo
ta jhetü pe nde syva
jha upéi cu mita ñañáicha
tamyasáimba pe nde áva
iñapopë jhyyuipáva
jha uperire tajhasa
 
Aicoséte yvutúrö
jha aimemi nde yvotytýpe
jha eyu ne cuä apype
cha po'o mbeguecatu
che moi nde po pytépe
jha ne añoite reicuaajháicha
che moñe'ë cu mitäicha
jha uperire che retü
 
Aicosénte yvutúrö
che moi nde pyti'áre
taicomí nde yeguacárö
jha py'ÿinte che mamorävo
eyayvy jha che retü
jha upecuévo nde py'águi
enojhë nde pucavýpe
jhendýtava ne mborayjhu.
 
Aicosénte acangytárö
jha aimemi pe ne acaguýpe
ñane año pe pytümbýpe
ta cheyopy nde rova
jha upéicha jhagui nde kéra
mbegue catu reyerévo
nde yuru ojhasacuévo
jha'e tacheretümba.
 
Aicosénte ne mbo'yrö...
nde ayúri ñasaingojhápe
taicove nde rayjhupápe
upépente che añomi
jha sapy'ánte reyayvývo
tajhecha kirirïjhápe
rerecóva ñemijhápe...
mocöi guyratïmimi...
 
Jhi'änte reicuaa'ÿre
aico pe yva ayúro
jha ne räi chemboyurúvo
ne rembe tachepyte,
pe che y'ujhéi amboguévo
tacherapy nde rata,
jha aguajhënguévo yvápe
ta'u nde eirete.

 

 

 

 

.

Fuente:

 

CANCIONES PARAGUAYAS DE AYER Y HOY – TOMO I.

 

Recopilación: MARIO HALLEY MORA y MELANIO ALVARENGA.

 

Asunción-Paraguay 1991.

 

 

**********************

 

 

OTRA VERSIÓN DE LA POESÍA

 

AIKOSÉNTE

 

DE

 

GUMERSINDO AYALA AQUINO

 

 

AIKOSÉNTE

Aikosénte... yvotýrõ

ha nde ypy rupi ahasa kuévo

vevuimi roipeju kuévo

tahetũ pe nde syva,

ha upéi ku mitã ñañáicha

tamyasãimba pe nde áva

iñapopẽ, hyjuipáva,

ha upe rire tahasa.

 

Aikosénte... yvotýrõ...

ha aimemi nde yvotytýpe

ha reju ne kuã apýpe

chepo’o mbegue katu,

chemoĩ nde po pytépe

ha nañoite reikuaaháicha

chemoñe’ẽ ku mitãicha

ha upe rire cheretũ.

 

Aikosénte... yvotýrõ...

Chemoĩ nde pyti’áre

taikomi nde jeguakárõ

ha py’ỹinte chemomorãvo

rejayvy ha cheretũ

ha upekuévo nde py’águi

renohẽ nde pukavýpe

rerekóva nde angapýpe

hendýtava ne mborayhu.

 

Aikosénte akangytárõ

ha aimemi pe ne akã guýpe

ñane año pe pytũ mbýpe

tacherapy nde rova

ha upeichahóqui nde kéra

mbegue katu rejerévo

nde juru ohasa kuévo

ha’e tacheretũ mba.

 

Aikosénte ne mbo’ýrõ...

nde ajúri ñasaingohápe

taikove nde rayhupápe

upépente che añomi

ha sapy’ánte rejayvývo

tahecha kirirĩ hápe

rerekóva ñemihápe

mokõi guyratĩ mimi...

 

Hi’ãnte reikuaa’ỹre

aiko pe yva ajúrõ...

ha ne rãi chembojurúvo

ne rembe tachepyte.

Pe y’uhéi amboguévo

che tacherapy nde ratã

ha aguahẽ nguévo yvápe...

ta’u pe nde eirete.

 

 

Fuente:

ÑE’ẼPOTY ATY – VOCES DE POETAS EN GUARANÍ

Por FELICIANO ACOSTA y NATALIA KRIVOSHEIN DE CANESE

Editorial Servilibro,

 Asunción-Paraguay 2005