Mamógui pico ajhendu piririta ne ñe'ë
naimo'ävéima vaecue co'arupi royujhu
co che ñe'ä reicutu jha opyta upeguive
techaga'u yma guare che anga pe ma ipyajhu.
….. Che resa resa rei pe corapýpe ayere
….. ápe jha pépe ama'ë jhi'ägui rojhechami
….. mamóma tepa avei reyu co asaye pyte
….. che mbyesarái jhaguaite reñe'ë asyete.
Pe cocuere mi yma curupicha asayecue
che pytü opajha peve ayeitymi romuña
jha ágä ayu che tuya mombyryma ocagui aimé
ambyasy ajheya jhague ca'aguy jha ñu porä.
….. Oiméne pocu oicovc aco che Tupäsymi
….. cuña coygua piretï che acavai mi jhague
….. añeipa ne jha'e cherejhe ndaimandu'ái
….. ayeipo oime jhesarái royua yjhuetérö guare.
Py'a vai jha ñaña upérö mi ndaicuaái
jha ocaraygua naimo'ái tesaráipe aicovajha
péina co'ága ajhecha jha upéicha rupi jheñoi
che cure co purajhéi maymáva ajhendu jhagua.
….. Jhipa upe ndayajhechái cocue cuarajhy jha ama
….. jha ocaraygua rembiasa jhipa upe nda yajhechái
….. jhi'änte co asapucái che ajhy'o pyaupeve
….. chococue reco asy cue ya'erö ndaya'epái.
