OTRA VERSIÓN DE
"ÑASAINDY POTY"
Pyhare reju che kéra moyrũvo kunu'ũ apytépe
kuñatãimi ropea jajái, resahũ vera.
Rohecha porã che ypype rejarõ kirĩrĩ haitépe
nde pópe gua'u che akã rehupi ha che retũmba.
Typói morotĩ iñencaje júva pe ipyti'ape
hyjúiporei reru ndejehe ñasãindy poty.
Ha ojehaitypo pe nde pyti'are ñanduti apytépe
mokõi jeruti apu'a inimi ojokypy'y.
Haitykuerami hyakuã porãveva jazmín PARAGUAY gui
ahetũ hague che moangapyhy agãitepeve.
Ha che jyvarni hesaĩ tapiáva, jepeve iko'ẽvo,
añandu porã ojehýi asy neakã rendague.
Che katu apyta ndijavýi itavýva upégui apu'ãvo.
Ajere jere ha manterei nderehe che ãho.
Naimo'ãi voi rejuha che kéra péicha che moyrũvo.
Ha upéi che reja cheaño peteĩ kóicha ajahe'o.
