KO’ETÎ JAVE
Letra: EMILIANO R. FERNÁNDEZ
Música: EMILIO BOBADILLA CÁCERES
KO’ETÎ JAVE
Ko’emba potáma Tupâsy rekéva
epu’â ehecha nde rayhuhami
peinama oguahê ñande resapéva
yvaga apype ko’ê morotî
guyrami maymáva opurahéi páma
ha ipoty jera rosa pytâite
ka’aguy mbytépe ku guyra campana
peina o repika ko'etî jave.
II
Cabrilla ojeyvýva kuarajhy reiképe
ha estrella ova mombyry mbyry
che ne rovetâme mborayhu apytépe
che purahe míme ro monge rasy.
nde ryke aurora che mo henondéva
péina omboguepa Tupâ rataindy
epay che kamba rohecha setéva
to ro hetûmi ha taha jey.
III
Norte piguymi che py'a joráva
péina che moirû nde peju sete
neina epu’â che korazô jára
che mo kunu’û ahaite mboyve
ne korazô miro che rembiayhu para
ani aichaite che anga mbo'i
chente ko yvy ári ne rembiguairâva
ñesu hápe ajúva romomaitei.
IV
Calandria para ku oñe’ê asýva
enramada ári péina operere
che moirû avei ku oñe’ê joivýva
músico estero guayraû chore
jazmín Paraguay hyacuâ mombyrýva
yvytu jurúpe péinama oguahê
nardo morotî hyacuâ yvaga pyva
nde róga okára omyanyhete.
Letra: EMILIANO R. FERNÁNDEZ
Música: EMILIO BOBADILLA CÁCERES
