OHÓVA ÑANE RETÂGUI TEKO PORÂVE REKÁVO - Ohai: DAVID GALEANO OLIVERA

OHÓVA ÑANE RETÂGUI TEKO PORÂVE REKÁVO

Ohai: DAVID GALEANO OLIVERA

Leer original (hacer clic) en

(http://cafehistoria.ning.com/profiles/blogs/oh-va-ane-ret-gui-teko-...

<http://cafehistoria.ning.com/profiles/blogs/oh-va-ane-ret-gui-teko-por-ve-rek-vo> )

Leer también en

(http://dgaleanolivera.wordpress.com/ohova-nane-retagui-teko-porave-...

<http://dgaleanolivera.wordpress.com/ohova-nane-retagui-teko-porave-rekavo/> )

(Ahechakuaávo ñane retâygua ohóva ambue tetâre teko porâve rekávo 

Homenaje a los compatriotas que migraron a otros países buscando mejores condiciones de vida)

I

Heta oî ñane retâygua

Ohóva ambue tetâre

Teko poravê rekávo

Ko’ápe ndoguerekóigui

mba’apo, pirapire ha hembi’urâ.

Ha’ekuéra peteî ára iko’ê,

Jepémo py’arasýre,

Tape pyahu oiporavo

Ha upeicharupikohína ñane retâ oheja

Oho ambue tetâre

Teko porâve rekávo

Jahechápa peichahápe

Ohupyty virumi ipehênguépe ĝuarâ

Ha upéva ohupytykuévo

Ojevy haĝua ijyvýpe ha

oiko haĝua vy’apópe…

Heta oî ñane retâygua

Ohóva ambue tetâre

Teko porâve rekávo

II

Tesay ha tyre’ŷme

Tetâ ambuére ohóva

Ápe oheja ohayhuvéva

Sy, túva, joyke’y,

Tembireko, ména, ñemoñare,

Ijehóre, ápe heta opyta

Vy’a’ŷ ha techaga’úre

Ha péicha, peteîteî, oje’ói

Mombyry ñane retâgui

Oikuaaporâ’ŷre mba’épa chupe oha’ârô

Pytagua, heko ambuéva, apytépe

Oĝuahê meve ára

Ojevyjeývo ñande apytépe

ojoajujey haĝua imborayhujaramimíre.

Upe aja… Tesay ha tyre’ŷme

Tetâ ambuére ohóva

Ápe oheja ohayhuvéva

III

Ñambyasy ko’â mba’e

Ojehúva ñane retâme

Jahechávo heta ñande rapicha

Oho ambue tetâre teko porâve rekávo.

Iporâiteva’erâ oĝuahê ára pyahu

Aretéma ñaha’ârôva

Ha heseve tañanderupyty

mba’apo, viru ha teko porâve

Tekotevê’ŷre ñasê ñane retâ porâitégui

Aipo teko porâve rekávo.

Tove tuja, ĝuaiĝui, kakuaa,

Mitârusu ha mitâ

Ápe jakakuaáva, tañamba’apo ha tañanearandu

Ha tajaiko oñondivepa py’aguapy, tekojoja ha vy’ápe

Ha péicha teko joajúpe

Maymave ñamopu’â tetâ pyahu jaipotáva

Ndaha’éiva kerayvotýnte,

Upépe jaiko haĝua tesâi ha mborayhupópe,

Ñande poyvi pytâ, morotî ha hovy aho’ípe

Tupâ, Ñande Ru, pytyvôme, ku Ha’e oipotaháicha

Ha anivetéi jaha ambue tetâ rupi

Aipo teko porâve rekávo.

Ñambyasy ko’â mba’e

Ojehúva ñane retâme

 Jahechávo heta ñande rapicha

Oho ambue tetâre teko porâve rekávo.

IV

Ha!, Paraguay, che retâ

Hetaitéma rehasa asýva

Aretemímako aipotáva ko’ê pyahu ndéve ĝuarâ

Hi’âiteniko mburuvichakuéra

Upe mba’e ohechakuaami

Tekotevêha ojoaju ha

Omba’apojoa kyre’ŷ ha peteî ñe’ême

Omoañetévo jerovia

Chupekuéra ome’êva

Opaite ñane retâygua.

Tekotevêma omboyke

Japu, tovamokôi, pokarê

Kaigue, tekorei ha py’amirî

Ha hendaguépe tomombarete

Añetegua, tekokatu, tekojoja

Tory, mba’apo ha py’aguasu

Tetâ pyahu rehehápe.

Ha!, Paraguay, che retâ

Hetaitéma rehasa asýva

Aretemímako aipotáva ko’ê pyahu ndéve ĝuarâ

(Jasypakôi 2008)

ENLACE INTERNO A ESPACIO DE VISITA RECOMENDADA

EL IDIOMA GUARANÍ, BIBLIOTECA VIRTUAL en PORTALGUARANI.COM

(Hacer click sobre la imagen)