DEMETRIO ORTIZ (+)

Nacimiento:

Piribebuy, Cordillera, Paraguay

22 de Diciembre de 1916

Fallecimiento:

Buenos Aires, Argentina

18 de Agosto de 1975

ANIVÉNA KARAIKUÉRA - Poesía en guaraní de DEMETRIO ORTIZ

ANIVÉNA KARAIKUÉRA

Autor: DEMETRIO
ORTIZ

ANIVÉNA KARAIKUÉRA

Anivéna karaikuéra
Tendota ramo peikóva
Peheja mboriahu róga
Mba'embyasy oñuã.
Sy mimíme jahecháva
Tesaýpe ojovahéirõ
Imembymíre pejahéirõ
Ha pende po pemopu'ã.

Oime ave ohejáva
Hembireko ta'yrami
Tetã ambuépe oñani
Ohekávo piro'y
Mamópa oiméne tory
Oĩva'ekue iñe'ãme
Ko'áğa oiko tĩndyhápe
Ñaimo'ã tyre'ỹmi.

Peẽ pe tata apoha
Ha ore ipype rokái
Ha upéi ñande Paraguái
Jaiko ñambyasyjoa
Ndaiporichéne po'a
Péicha mante jahárõ
Jaikóne pukahárõ
Ha upéi tembiguái.

Mbovýpeko oho porã
Tetã ambuére oikóva
Hetãmíme ndaikatúiva
Ojere vy'a reka
Techaga'u iñarõva
Chéicha avei oikóva
Hogamíre imandu'a.

Anivéna karaikuéra
Pehayhúrõ ñane retã
Pejapo ñorãirõita
Ha "partido" pembohéra
Chakeko ñanembovy
Ñañohẽ ñande ruguy
Joayhúpe jaikorãngue
Maymáva oñondive.

Néina Ñandejára
Ha Tupãsy Ka'akupe
Toğuahẽ peteĩ ára
Rojoayhúvo maymave
Kuarahýicha tojajái
Ñande poyvi yvate
Ha iguýpe maymavaite
¡Ñambovíva Paraguái!

ANIVÉNA KARAIKUÉRA. Canta a los pderosos, para que detengan sus abu-sos sobre los campesinos. Y proclama: Basta señores. Necesitamos vivir en paz.

Fuente: POESÍAS DEL PARAGUAY – ANTOLOGÍA DESDE SUS ORÍGENES. Realización y producción gráfica: ARAMÍ GRUPO EMPRESARIAL, Dirección de la obra: OSCAR DEL CARMEN QUEVEDO. Recopiladores y autores: RAÚL AMARAL, MARÍA BARRETO DE RAMÍREZ, AÍDA ORTÍZ DE CORONEL, ELA RAMONA SALAZAR S., RUDI TORGA/ Tel. (595-21) 373.594/ arami@rieder.net.py – Asunción/ Paraguay. 2005. 781 pp.).

Bibliotecas Virtuales anexada(s):

IDIOMA GUARANÍ - POESÍAS - MÚSICAS - ESTUD

Leyenda

Solo en exposición en museos y galerías

Solo en exposición en la web

Colección privada o del Artista

Catalogado en artes visuales o exposiciones realizadas

Venta directa

Obra Robada