PYKASU - Autor: CECILIO MÉNDEZ - De LAS CIEN MEJORES POESÍAS EN GUARANÍ

PYKASU

Autor: CECILIO MÉNDEZ

.

PYKASU

Pykasumi jukyete
nde resa para poty
che py’áre opovyvy
chemokyrỹiva añandu.
Ka’avomi rokyũ
ojeguáva ysapýgui
omongukúiva torýgui
umi nde ropea hũ.

. Nde áva sa’yjungy
. kuarahýndie oñuatõi,
. umi nde resa mokõi
. mbyjakuéraicha ojajái.
. Iporã ndahasahái
. nde juru, nde tyvyta.
. Repukárõ ojekuaa
. nde ratypykua jovái.

Yvytu omyasãimbáva
reseda poty ryãkuã
oikóvaicha nde reka
ko’ẽtĩ soro jave.
Oñe’ẽ korochire
nemomaiteijoa,
mainumby ojuasasa
nde rupáre operere.

. Vokói árante cheave
. ne rokẽmene ajami,
. mbaraka tambopumi
. ha tory tereñandu.
. Repu’ãvo taikutu
. yvoty nde avakuápe
. ha ta’e nde apysápe
. ¡rohayhúko Pykasu!
Cecilio Méndez

.
PYKASU
Tierno requiebro.
El enamorado poeta manifiesta su afecto

ensalzando las buenas cualidades

de la persona amada.

Es el lenguaje del amor.

T.

.

ESCUCHE EN VIVO / LISTEN ONLINE:

PYKASU

Intérprete: LOS PARANÁS

Material: GRANDES ÉXITOS

• LAS CIEN MEJORES POESÍAS EN GUARANÍ . Con nuevas incorporaciones y grafía actualizada. Por PEDRO ENCINA RAMOS y TATAJYVA. Asunción-Paraguay 1997 – 425 páginas

.

• MÚSICA PARAGUAYA - POLKAS Y GUARANIAS (PARA ESCUCHAR EN VIVO)