JAHE’O (De LAS CIEN MEJORES POESÍAS EN GUARANÍ)

ORTIZ GONZÁLEZ

 

 (Enlace a datos biográficos y obras
En la GALERÍA DE LETRAS del
www.portalguarani.com )

 

JAHE’O
.

Ñembyasy ahecha henyhẽ
arapy javeve oguyguy
tesay kãve’ỹ oñehẽ
ha vy’a ohoite mombyry
 
. Kerasy jepoyhu omyatã
. Tyre’ỹ mba’asy vaiete
. ndopivéi ichugui angata
. marove ndojuhúi mytuẽ
 
Opyta mborayhu po’okue
ipyahẽ tetia’e ndorekói
keve’ỹ pijohápe mante
kunu’ũ ãnguemíme ohenói
 
. Jahe’o ahendu hatãve
. hyapu che ñe’ã omopirĩ
. ha po’a mombyry ojere
. piro’y okañy kirirĩ
 
Mbojuavy jaiporúgui ojuehe
ñeko’õi ndaikatúi omano
ha japu oikoitére añete
jareko ojoupe py’aro
 
. Jajeity omba’apóva guive
. jajopói ojoupe pytyvõ
. mbarete jojapápe upéi
. ñane sã ñaikytĩ ñamombo.

Antonio Ortiz González

.

Fuente: LAS CIEN MEJORES POESÍAS EN GUARANÍ . Con nuevas incorporaciones y grafía actualizada. Por PEDRO ENCINA RAMOS y TATAJYVA. Asunción-Paraguay 1997 – 425 páginas.

.

 

 

 

 

 

 

Visite la GALERÍA DE LETRAS
del PORTALGUARANI.COM
Amplio resumen de autores y obras
de la Literatura Paraguaya.
Poesía, Novela, Cuento, Ensayo, Teatro y mucho más.

 

 

 

 

 

 

 

 

 

 

 

 

 

 

 

Arpa Paraguaya

Letras de Música Paraguaya

MÚSICA PARAGUAYA - Poesías, Polcas y Guaranias - ESCUCHAR EN VIVO - MP3

MUSIC PARAGUAYAN - Poems, Polkas and Guaranias - LISTEN ONLINE - MP3