PYKU IPE (De LAS CIEN MEJORES POESÍAS EN GUARANÍ)

Autor: PEDRO

LÓPEZ MARTÍNEZ
 (Enlace a datos biográficos y obras
En la GALERÍA DE LETRAS del
www.portalguarani.com )

 

.

PYKU’IPE
.

Nde ha’e pyku’ipe
guyra nemarangatúva
upévare rohayhúva
che ñe’ã mbyte guive,
aipota remoñe’ẽ
guaraníme ajapóva
ha reĩme hápe ohóva
ñe’ẽ poravopyre.
 
. Nde pingo pyku’ipe
. rejúva’ekue vevehápe
. mombyrýgui cherendápe
. reguejy cheypypete
. ha chéma rombojere
. mantereíku vy’ápe,
. upéguinte ñemihápe
. reho jey pya’ete.
 
Mba’érepa voiete
reveve nde rayhuhágui
ojoypýpe ñaĩmehágui
rekañýma pya’ete,
reipotántera’e nde
amokõ ko che reságui
oñehẽva, rohekágui,
reho ha’ára guive.
 
. Kovaitéko guyramí
. ndéve ĝuarã aipyaháva
. aveí ku aipotáva
. ne mandu’a cherehe,
. ha eikuaami ndave
. chénteha nde rayhuhára
. aikóva opaite ára
. rohenói Pyku’ipe.

Pedro López Martínez
 
.

Fuente: LAS CIEN MEJORES POESÍAS EN GUARANÍ . Con nuevas incorporaciones y grafía actualizada. Por PEDRO ENCINA RAMOS y TATAJYVA. Asunción-Paraguay 1997 – 425 páginas.

.

Visite la GALERÍA DE LETRAS
del PORTALGUARANI.COM
Amplio resumen de autores y obras
de la Literatura Paraguaya.
Poesía, Novela, Cuento, Ensayo, Teatro y mucho más.