ARA GUASUETE NDE RERAPE (Poesía de ADOLFO ROJAS PAREDES)

ARA GUASUETE NDE RERAPE
Poesía de
ADOLFO ROJAS PAREDES
(Enlace a datos biográficos y obras
En la GALERÍA DE LETRAS del
www.portalguarani.com )
 

.
ARA GUASUETE NDE RERAPE
Co setiembre veintinueve
ico’ëvo opucavy
omymyi che apytu'üme
purajhei pyajhú poty.
 
Aguapy nde reraitepe
amosü ñe'ë yvoty,
jha yvytú nde po pytepe
mi General tambogueyý.
 
Oimene amó Boquerón pe
co nde rera ipyambú,
Tte. Arias Jha Jordán pe
nde po pucué osunú.
 
Ndé jha'e, mi General,
mbyá cuera rairöjharé,
VIVA!... LOPEZ EL MARISCAL,
eré, jha upevo reiké.
 
Upégui tatati guype
tenonderä re arrollá,
Francia, Zenteno jha Acevalpe
isüsugué rejheyá.
 
Falcón, Favorito, Charca,
Jha Campo Jurado rapé,
remuangu'í angu'apupe
jha Lóbrego uperiré.
 
Jhetaité mburuvichá
che aicuaá uperöguaré,
jha ndeve nande rasai
Umiva umi cuimba'e.
 
Oimé cu Longjha El Carmen,
Oruro, Yvyvovo, Potez,
Carrera Saguier, Agua Blanca
tomombe'u nde rapycueré.
 
Saavedra, Rancho Quemado
oimé aveí iñangecoi,
remyandy vaecué resajhavo
Salamanca ñujhä mocöi.
 
Upégui rembuapu'avo
Villa Monte reicutú.
Décima División yguava
umí avá guaicurú.
 
Nderejhevé iyuruvy
Godoy Cáceres jha Luis Vera
redefendére poyví
Paraguai jhendivé cuera!
 
Che jha'e, mi General
veterano nde ra'y,
jhi'äiteva roloá
che aty mboyvé co yvy.
.

Sargento 1° ADOLFO ROJAS PAREDES
del R.I.7 "24 de Mayo",
ex Batallón Muñoz en Boquerón.

 

.

Fuente: ESCRITORES Y MÚSICOS DE LA ÉPOCA
DE LA GUERRA DEL CHACO
Autor: CANCIO GIMENEZ,
Ediciones Intento, 1987 (212 páginas)

.
Visite la GALERÍA DE LETRAS

del PORTALGUARANI.COM

Amplio resumen de autores y obras

de la Literatura Paraguaya.

Poesía, Novela, Cuento, Ensayo, Teatro y mucho más.