VILLARRICA CHE CIUDAD, COEMBA POTA y CHE PESEBREMI (Poesías de GREGORIO NARVÁEZ ARCE)

VILLARRICA CHE CIUDAD, COEMBA POTA

y CHE PESEBREMI

Poesías de GREGORIO NARVÁEZ ARCE (1914 – 1979)

 

VILLARRICA CHE CIUDAD

Jha che valle poraité

Ku opaiteva re yayai

Che ajhógüi nde rejhé

Che co'ëva nda vy'ai.

 

Mombyry ayesarecó

Rojhechá tante vaichá

Re mimbipá pe amó

Ñaimo'a va cu mbîyá.

 

Ku nde cerro rovyü

Jha nde barrio poraitá

Oiméne jhyacua vú

Villarrica che ciudad.

 

Jhetáma ajhasá ro'y

Nde yvy güi asë jhagüé

Jha acoinde che rasy

Che äjhógüi nde rejhé.

 

Oimé vaerä catueté

Umí che rapé cue tá

Che mitä ramo guaré

Pore'y güi oye'o pa.

 

Oiméne upé che yvoty

Ymá, che rembiacjhú cué

Ambué pe ma jhory

Na imandu'ai che rejhé.

 

Jha che co'ä mombyry

Vy'á yn che mo angatá

Jhi'ä gui ajhá mi yey

Villarrica ro jhechá.

 

Jha vocointe icatú

Ne rendápe añemboyá

Jha a purajhei pyajhú

Te'imí rojhacjhú jhá.

 

Jha che valle poräité

Reiméva cu mombyry

Rojhacjhú güi añeté

Nda yocói che resay.

ESCUCHE EN VIVO/ LISTEN ONLINE:

VILLARRICA CHE CIUDAD 

Material: MÚSICA DEL PARAGUAY de LOS ALFONSO

COEMBA POTA

(Al armonioso cantor guaireño,

DIOSNEL CHASE)

Caraguatá ty, estero baí ajhasá ayúvo

Jhiangüi añesü pe ne renondépe apurajhei mí

Roconocé ségü cuimbaé porä ayú mi nanduvo

Mbaracá che pope che cherecoitépe arribeño mí.

 

 

Checo añembyasyva co

yby apere ndaye jhacjhuigüi

jha jhiü atopá tapichá jhory che consuelo rä;

yasy osé mi güivé aipycui, jha tapé ipucúgüi

Coé tï yavema nde roga guype coina añemboyá.

 

Epay, Diosnel, jha ejhendú mí purajhei jhoryva

Avavé poeta güeterí jheí yva en el Paraguay.

peina co guaí tavyraí mi nde rerojhory va

Ne rovetä güype ciudad Villarrica jhyacüá omuasái.

 

Coë mbotaitema jha nde che ryby nde repay moai

che idea ayúvo nendivé aguatávo ciudá ryepyre

yajhechá upero siquiera michïpa cherejhé ndovái

pe nde rerecoba cuñá apyterupi caabó tory.

 

Porque che ajhenduva mamó asejhápe los pikî jheirö

Oiméne ipo otro Diosnel chaguá upe cuimba'é. . .

prestigio jheñoi pené mbaracápe repurajhei míro,

Ndajhy'ó porägüi ne jhicuai "güi a jhé choré".

 

Peina coembáma jha nde che ryby nde repay moäi

Reconsolá mi nde rayjhyihá, arribeño mí

Ouva nde ypype jazmín, azucena ryäcuä omuasäi

Nde rechá setégüi nga oñejhasá pyjharé reí.

 

 

 

CHE PESEBREMI

 

Reinte aveí aimé mombyry che tava rorygui

oguájhévo oúvo co pesebre ára ya vy'a jhaité,

cóina ché aveí amboyeguapá Saavedra potygui,

co che tapy'imí jhyacuávureí pytumby yavé.

 

Aicuaá porá cu región jhovy amoité Orientalpe

oiméne osaingó sandía ryácuávú, pacuri memé;

jha ché co aveí narotiri'eté che pesebre ápe.

Na pejhendumí mba'epa aveí osaingó jhesé.

 

A sonseramí ambyáty vaecué tapéipi ajhasávo

desde Boquerón ¡ha péina Saavedrape ambosaco'í,

amopu'ámi che yvyrá racájhogué yero'ávo

ametralladora remikytingué po'igui reí.

 

Oyeguapamí che yvyra racä cañón pirecuégui,

máuser jha metralla co'ápe ¡ha pepe jhatïáireí,

jha jhëtá trofeo volí mba'ecué arúma tapegui,

Teniente Velilla curusú ypype tambo yeguamí.

 

Jhetaité mba'éco ya jhechá co'ápe, co ca'aguypype,

tomombe'uminte cu R.I. 7 peguá cuimba'é,

oimejhá osaingó, ovavá rei yatagán apyre

ño volí nambí, jhetá Coronel jha Ustares ácangué.

 

Ndicatúi voí ya'epá jhaguá la ápe arecóva,

Niñomí yerére, ayepa ovy'áne, che máuser mbyky;

único ofaltá iyaty jhesé cu vy'á oyapóva:

cuñá morotï, áva sa'y-yú, resá'y-i jhovy.

Fuente:

EL PARMASO GUAIREÑO

Obra de ROMUALDO ALARCÓN MARTÍNEZ

Ediciones INTENTO.

Asunción – Paraguay

1987 (1ª edición – 407 páginas)

 

*****************

 

ENLACE A DOCUMENTO RELACIONADO: 

(HACER CLIC SOBRE LA IMAGEN)

.

 

 

 IMÁGENES DE NUESTRO HERMOSO PARAGUAY

Fotografía de FERNANDO ALLEN

MÚSICA PARAGUAYA - Poesías, Polcas y Guaranias - ESCUCHAR EN VIVO - MP3

MUSIC PARAGUAYAN - Poems, Polkas and Guaranias - LISTEN ONLINE- MP3