PARAGUÁI RAYHUHA
Ohai: MARIO RUBÉN ÁLVAREZ
alva@uhora.com.py
Pápa Francisco: Rovy'aiterei rasa rejuhaguére rehecha, rehendu ha reńandu ko ore retă.
Nde niko areterei guivéma rehayhu Paraguaigua ha ágă reju ore rendápe rehechaukávo upeichaha.
Yma guivéma nde orekuaa poră reikógui heta ára ore retăygua vy'a ha resay ykére Buenos Aires-pe. Reikuaháicha pe ore py'apýva, nokańýî ndehegui mba'éichapa hi'ăitéma oréve umi oreguerekóva pytűmbýpe romyengovia ára pyahu omimbipávare.
Aretéma roiko asy oîgui tetă motenondeha ijehekuérante imandu'áva ha hesaráiva opavave oiko porăva'erăha. Ágă peve roguerotyry tapicha tujukue juru akua jatevúicha okambúva Paraguáire.
Reikuaa poră kuńa paraguái rembiasakue ha ipyapyha. Reiko reiko ha rejere jerénte ha nemandu'a jeýma hesekuéra. Ore pirîmbávako ne mandu'árô hesekuéra roikuaágui eréva ańeteteha.
Ha'ekuéra rupi, ereháicha nde, rońakărapu'ă Guerra Guasu rire ha ha rojetyvyro, roho tenonde, ro'a ha ropu'ă, naorekane'ôi.
Rovy'a reguerúgui hína oréve vy'a ha py'aguapy.
Vy'a rojerovia haguă ore jehe, vy'a anihaguă ore kangy, vy'a ikatu haguă romboguevi umi ndoipotáiva mboriahu ońakarapu'ă ha isă omondoho.
Py'aguapy ore resapyso haguă, ropáy haguă ha rojapo ore raperă ńepytyvô ha tekojojápe.
Nde niko rehóta hína pe Bańado Norte-pe. Rehechávo umi mboriahu rekoha rehechapaitétama mba'éichapa heta henda rupi ojeiko asy ore retăme. Heta ndahógaiva téră hóga chalaipáva, oikóva tujurýpe, tape yképe ha heta pyhare okéva py'a nandi ndoguerekóigui ho'uvară.
Rovy'a pápa Francisco nde rejúre erévo umi ore, ára ha ára, ro'éva ha umi oguerekóva ipópe tetă să nohendúiva araka'eve. Ne ńe'ę niko ndaha'éi oimeraęva ńe'ę. Ikatu niko ágă reho rire oike tetă sambyhyha akăme umi ne ńe'ęngue ha oguata hikuái, hasypeve, oguata haguă rupi.
Ore retă niko ndaha'éi pe hűnteva. Remańávo mită ha kakuaa resáre rehechakuaáta mba'éichapa ijetu'úrô jepe ore rekove norońeme'ęiha tekoasýpe ha py'aju ndaipu'akaiha ore rehe.
Hetárô jepe ore rapépe yvykua ha ore jokoséva, ndoropytái. Roho tenonde akă rakúpe ha heta roime rońeha'ămbaitéva ikatu haguă hi'ańete pe tetă pyahu aretéma roipotáva.
Ne ńe'ę marangatu ore pytyvône katuete ore ăguimive haguă pe ore rembipotágui.
Fuente: ULTIMAHORA.COM (ONLINE)
Sección OPINIÓN
Viernes, 10 de julio de 2015
ENLACE INTERNO A ESPACIO DE VISITA RECOMENDADA
EL IDIOMA GUARANÍ, BIBLIOTECA VIRTUAL en PORTALGUARANI.COM
(Hacer click sobre la imagen)
ENLACE INTERNO A ESPACIO DE VISITA RECOMENDADA
(Hacer click sobre la imagen)