MANDU’A RORY y CHE KYHA MOROTĨ - Poesías de HÉRIB CAMPOS CERVERA

MANDU’A RORY y CHE KYHA MOROTĨ

Poesías de HÉRIB CAMPOS CERVERA
 

MANDU’A RORY

Mandu’a rory ikusuguepáva nepore’ỹhápe
Ojopehague ñembyasy puku omanova’erã
Nde rerakuemi aropurahéivo ou che py’ápe
Ikatuve’ỹva ajahe’o’ỹre aromamdu’a.

Che ruguy porãva ajuhúrõ máva nde réra oguerúva
Yvoty rysakuãicha chembopiro’ýva ne ãhonguemi
Rohuğuaitĩségui tape ipukuvéva ahenonde’áva
Ikatu hağuaicha cherenduse’ỹrõ añehenduka.

Sapy’a ahechárõ ku karia’ykuéra nde rógape oúva
Pomyengoviaséva ha nañanimáigui ajesaupimi
Tesarái maymárõ noğuahẽiva’ekue che róga rokẽme
Che vy’a apytépe he che ñembyasýpe ndémante reime.

Yvága ni yvýpe nde jasy rendýpe ndaipóri omo’ãva
Ñasaindy porãicha pyhare ru’ãgui ñanderesape
Nde reikuaa’ỹre nde pypore ári ymáma aguatáva
Ikatuva’erãku oğuahẽ che ára ha rohupyty.

Ha’éva chejupe, mborayhu paháipo ko hese añandúva
Ajeve ndaipóri pohã omongueráva ko mba’embyasy
Pyhare poty, Paraguái retã rehesapepáva
Chemomarandúna reguepotaitévo japa oñondive.

MANDU’A RORY: En la ausencia de la amada, la alegría se vuelve ceniza. Y en imágenes se hacen presentes, vivencias que se resisten a morir. El plenilunio ahonda la agonía. La alegría de ayer es recuerdo que va apagando la existencia con inexorable severidad.

ESCUCHE ONLINE:

MANDU’A RORY de HÉRIB CAMPOS CERVERA

Intérpretes: Dúo ALBERTO DE LUQUE y LUZ AURORA

Material: ÑANE MITARO GUARE

CHE KYHA MOROTĨ
Aha mboyve che retãgui
Mandyju porã pyrégui
Kyha morotĩ asýva
Ojapova'ekue Asunción.

. Che réra mandu'ahápe
. Ha oipotágui amyatymói
. Che ñembyasy hera'ỹva
. Oipysova'ekue Asunción.

Mombyry aimehápe
Che kyha jegua
Aromandu'amíva
Vy'a'ỹ jave.

. Pejúke che reindykuéra
. Ha pe ñotĩ che kyha
. Ku hembe'y jeguapáva
. Asunción rembiapokue.

Kuña porã jyva áricha
Añeñandúva ipype
Ikatuva'erãko upépe
Hopevy che rekove.

. Néina che kyha
. Chemyatymoimi
. Jahecha ndohóipa
. Ko vy'ave'ỹ.

Péina iñapysẽma
Pyhare ru'ãme
Ku jasy oguerúva
Mandu'a rory.
Julio 16, 1944.

CHE KYHA MOROTĨ: Antes de su forzado exilio, en Asunción, tejió su hamaca blanca, del más fino algodón. En ella acuna su nostalgia de la patria lejana, como si fuera el regazo de una muchacha.

• POESÍAS DEL PARAGUAY – ANTOLOGÍA DESDE SUS ORÍGENES. Realización y producción gráfica: ARAMÍ GRUPO EMPRESARIAL, Dirección de la obra: OSCAR DEL CARMEN QUEVEDO. Recopiladores y autores: RAÚL AMARAL, MARÍA BARRETO DE RAMÍREZ, AÍDA ORTÍZ DE CORONEL, ELA RAMONA SALAZAR S., RUDI TORGA / Tel. (595-21) 373.594 / arami@rieder.net.py – Asunción / Paraguay. 2005. 781 pp.)

OTRA VERSIÓN DE “MANDU’A RORY” (POESÍA) Y SU TRADUCCIÓN “RECUERDO FELÍZ”

MANDU’A RORY

Mandu'a rory ikusuguepáva ne pore’ỹhápe

ojope hague ñembyasy puku omano vaerã,

nde rerakuemi aropurahéiva ou che py'ápe

ikatuve’ỹva ajahe’o’ỹre aromandu’a.

Che ruguy porãva atopárõmáva nde réra oguerúva,

yvoty ryakuãicha che mbopiro’ýva ne ahõnguemi.

Rohuguaitĩségui tape ipukuvéva ohenonde'áva

ikatu haguãicha che renduse’ỹro añehenduka.

Sapy'a ahecharõku karia'y kuéra nde rógape oúva

rombyekoviaséva ha nañanimáigui ajesaupimi.

Tesarái maymárõnoguahẽi vaekue che róga rokẽme,

che vy'a apytépe ha che ñembyasype nde mante reimé,

yvága ha yvýpe nde jasy resẽme ndaipóri omo’ãva,

ñasaindy porãicha pyhare ru’ãgui ñande resape.

Nde reikuaa’ỹre nde pypore ári ymáma aguatáva,

ikatu vaerãku oguahẽche ára ha rohupity;

ha'éva che jupe mborayhu paháipo ko hese añandúva,

ajeve ndaipóri pohãomongueráva ko mba'embyasy.

Pyhare poty Paraguái retãrehesapepáva,

che momarandúna regue potaitévo japa oñondive.

Hérib Campos Cervera

RECUERDO FELÍZ

Recuerdo feliz que se encenizó durante tu ausencia

y un largo pesar ha ido requemando hasta su moriencia;

tu nombre, el de siempre, vino hacia rni pecho para que te cante,

ya que no consigo recordarte nunca sino sollozando.

Mi sangre se alegra cuando encuentro aquello que tu nombre trae,

tu delgado aliento de aroma florido refresca mi piel,

queriendo alcanzarte la senda más larga suelo caminar,

para que consiga, aunque no lo quieras, hacerme escuchar.

Cuando a veces veo a aquellos muchachos que a tu casa llegan

quiero reemplazarte, pero no me animo y miro a los cielos.

Jamás el olvido supo atravesar la luz de mi umbral:

en medio del gozo, igual en la pena, siempre estás presente;

en cielo y en tierra tu luna ascendiente nadie ha de eclipsar,

un claro lunar que en la noche alta nos va iluminando.

Sin que tú lo sepas hace mucho rato que piso tus pasos:

puede ser que un día amanezca el tiempo de alcanzarte al fin;

me digo a mí mismo si es amor postrero éste que yo siento:

con razón no existe seguro remedio al mal que me aflije.

Florecer nocturno que alumbras entera la tierra natal,

cerca ya tu sombra, tu ruego me avises y muramos juntos.

• ANTOLOGÍA DE LA POESÍA CULTA Y POPULAR EN GUARANÍ - Edidión bilingüe – Versión en español de - RUBÉN BAREIRO SAGUIER– - CARLOS VILLAGRA MARSAL - Introducción: - FRANCISCO PÉREZ-MARICEVICH - Colección: Imaginación y Memorias del Paraguay (4) - Edición de SERVILIBRO, especial para ABC COLOR - Dirección editorial: VIDALIA SÁNCHEZ - Diseño de tapa: Celeste Prieto - Asunción-Paraguay 2007 (103 páginas).

• ANTOLOGÍA DE LA POESÍA CULTA Y POPULAR EN GUARANÍ, 2007 - EDIDIÓN BILINGÜE RUBÉN BAREIRO SAGUIER - CARLOS VILLAGRA MARSAL
• ANTOLOGÍA DE LAS MEJORES POESIAS EN GUARANÍ - SELECCIÓN E INTRODUCCIÓN: RUDY TORGA
• POESÍA PARAGUAYA (GUARANÍ-ESPAÑOL) - TOMO II, 1997 - Por TERESA MÉNDEZ-FAITH