Ne mandu´á va pe nde, acoina acó ca´arú
che guatajhaigui arú, tupá rymbá poraité
ñujhápe iyeity pyre, guyrá ñu porá´i- mi
acó ñandé ynambú´mi, yajhacjhueté mi vaecué.
Mocoive pa co yaicó, ñañompope jhesé
ñajhetu ñamo ñe´é, jha mitáicha yarecó
jha´é anga pe jhecové jhasy vaichante ichupé
jha oiméne nicó ra´é, jhi-agui upé omanó.
Ne rasé paco jha eré ojhó ñandé ynambú´mi
oimene jha´éguéi ybagape ma oguajhé
upevante paco che ambyasy na mbyasypai
jha mocoiveva oyavai co´yte ñané rasé.
Nde jhaguante ma cuña resé rejhó mombyry
jha remyasai vy´ayn che recovepe guará
co´anga peina apytá jha´eté cu tyre´yn
amboc´ú cheresay ne cunu´ú recovia.
Acó ñandé ynambú´mi ne mandu´ava pa ndé
acanguytápe cuejhé ayujhú jhagué cucui
amó ñe´é catui jha che cunguype jha´é
peicha guarante ra´é mboracjhú ogué aveí.
