Araka'etémo kokue rerekuára
Neko’ẽyvy jára ¡hĩpa javy'a!
Ajéipo horýne ne rembiayhupára,
Nde ratypy jára, kuñami porã.
. Vokóinte yvytúre oikóne nde réra
. Nde ryke'ykuéra nemoherakuã:
. Je'imba'e teéma kokue jarakuéra
. Ijaitypohára, ha iñasãi vy'a.
Upérõ nde sy, nde ru renondépe
Ipo mokõivépe tanderovasa;
Ha umi nde ra'y, Tupã resa jára,
Po’a renoihára, taneañuãmba.
. ajéipo ahechávo upéva upe ára
. Mombyry mbyrýgui oñeguahẽmba,
. Hi’ãite iko émo he’i Ñandejára:
. "¡Aháta poandu!", topa umi angaipa.
"¡Péichante vá erãma!", ahendu vaichánte
Che ãngapy ruguáre..., chemongyhyje:
¡Ikatúnga'u ko’ẽ sapy'ánte
Ko ñane retã jahupi yvate!
Epifanio Méndez Fleitas
**/**
SAN PEDRO DEL PARANÁ
San Pedro del Paraná, ¡ha che valle!,
Mombyrýgui ou tavaite reka ne ñepyrữmby.
San Pedro del Parana, ¡ha che valle!
Kuimba'e pyapy mba'apo retã, ke resãi poty.
. San Pedro del Paraná, ¡ha che valle!,
. Akóinte va’erã ne ñu, ka’aguy, oĩme hyakuãvu;
. Ha opa umi tapére, che guata hague,
. Ama ha yvytu ymámane oĩme omokañymba che py rendague.
Jahechava'erã ko’ẽ iñambuérõ
Ha magmáva opáicha ndererohory;
Nde réra vokói añandúne upérõ,
Tupã javeve, chendive oiko cherno’ãngapyhy.
. Ohasáva'erã hetaiteve ára
. Aikove aja rohechave’ỹre:
. Anichéne márõ re’a tesaráipe,
. Jepevémo hína chéve ndaipotýi ne marangatu.
San Pedro del Paraná, ¡ha che valle!
Ahechaga'u nde korochire, nde yva, nde yvoty.
Araka'etémo che po'a ko’ẽ ha ikatu jevy
Chemokunu’ữ jepivérõ guáicha che ru ha che sy.