AKA’Ẽ PARA y MITÃMI POJÁI - Poesías en guaraní de MIGUEL ÁNGEL MEZA

AKA’Ẽ PARA y MITÃMI POJÁI

Poesías en guaraní de MIGUEL ÁNGEL MEZA

AKA’Ẽ PARA

Opopo,

oveve,

ojupi.

Ipoiái kuarahy ruguaitĩvo.

Ochochõ,

opepe,

ha ojei,

ombogua asaje rykuere.

Ojo’o

ka’aguy

ha’ete

ohekáva tata ojupívo.

Ijaty hapicha oipepi,

yvytu ohenói,

toje’ói mba’asy.

Ochochõ,

opepe,

ogueiy,

oheka mba’eve togue guýre.

Opopo,

oguahẽ

ha oievy,

omuña saraki retekue.

Ochochõ,

omonde

yvytu

ha oieity okañy ñanandýre.

Oñotỹ ipepo yvyguýpe,

oity taheñói ohenóiva tory.

MITÃMI POJÁI

Ma’ẽmína chã,

kuarahy’ãmi

mboriahu ku’i,

tapehũ rymba.

Ipy nandimi

ro’y oikytĩ,

viru resaju

jerure pojáivo

oikarãi pytũ.

Tape mbytetépe

iñakãjere.

Aime hendive.

Oipeju hasa

mba’yru vera.

Sa’yju rysýi

omyesakãmba,

pytã ñomyaña,

oho, ohopa

mba’yru vera.

Moõpa reime

mitãmi pojái?

Ndéntema che?

Chéntema nde?

Mba’emotepa.

Fuente:

ÑE’ẼPOTY ATY – VOCES DE POETAS EN GUARANÍ

Por FELICIANO ACOSTA y NATALIA KRIVOSHEIN DE CANESE

Editorial Servilibro,

 Asunción-Paraguay 2005