ROJAS SILVA REKÁVO
Jaku'éke Paraguái oguahêmako la hora
jahamívo j aheka Rojas Silva retekue
ñavengáne katuete umi cobarde ojapóva
anichéne opuka guaikuru ñande rehe.
Taheja che ru che sy, taheja opa ahejáva
ko la patria rayhupápe tamano jepe chave
kóicha oî ramo en peligro seriamente amenazada
aipota voi che renói aservi haguâ ichupe.
Na'iporâi esta amenaza sapukái en la frontera
umi cobarde asesino guaikurúpe heropy
jaipyso katu en el Chaco tricolor ñane bandera
ha iguýpe jaje'ói umi intruso ñamyendy.
Jajapi Sorpresa ládo Rojas Silva upépe oiméne
ñane hermano infortunado ojejukáva reiete
ivengávo ko jaháta ñaguâhêne ñaguâhêne
ha jarúne ave ko'ápe más que sea ikanguekue.
Paraguay rehe ojapo umi indigno ojapóva
ohechava'erâ avei icastigo umi ava
ñaguahêne aipo La Paz-pe tosoro la osoróva
jahapýne umi salvaje: Rojas Silva ñavenga.
Aretéma umi pombéro ñande aperehe oikóva
ñanda'o cada ko'ê ñane pichâi manterei
ha ko'âga ombojo'a con el crimen ojapóva
ñane hermano oasesina ñande yvýpe katui.
Ha pa péicharô ñande ñane tindýtante jaikóvo
ñaimo'â jareko'ỹva suficiente korasô
ma'erâpa mbokaita jaipota rei aipórô
ñaimo'â katu mitâ cháke kukúpente jaiko.
Tekotevêma ñañemoî jaikuaáva el patriotismo
ñambopyahu jevy haguâ ku picada yma guaye
ikatu ñaimemimi heredado de heroísmo
anichéne ñamotî ku Guaraní ñande ypykue.
Ipochyne umi tuja Lópe-kue opyta reírô
amoite Sorpresa ñúme tuguy oñehê va'ekue
iporânte jaje'ói ha pya'e voi ikatúrô
jajuhúne gueteri Rojas Silva ruguykue.
Ore renói katu para este sacrificio
ore jyva na'ikangýi si la patria oikotevê
roimeháicha paraguayo rohura a su servicio
como nieto de los López romanóvo hendive.
Letra: EMILIANO R. FERNÁNDEZ
Música: MAURICIO CARDOZO OCAMPO
Fuente (Enlace interno):
LAS VOCES DE LA MEMORIA - TOMO VIII
HISTORIAS DE CANCIONES POPULARES PARAGUAYAS
Autor y ©: MARIO RUBÉN ÁLVAREZ
Edición del autor y Julián Navarro Vera
Dibujo de tapa: ENZO PERTILE
Armado y diseño: Isaac Duré Giménez
Editora Litocolor S.R.L.
Asunción-Paraguay 2008
MÚSICA PARAGUAYA - Poesías, Polcas y Guaranias - ESCUCHAR EN VIVO - MP3
MUSIC PARAGUAYAN - Poems, Polkas and Guaranias - LISTEN ONLINE- MP3