OHASA ÁRA - Poesías en Guaraní de INDALECIO RIQUELME CENTERO - Año 2008

OHASA ÁRA, 2008

Poesías en Guaraní de INDALECIO RIQUELME CANTERO

Editor: ARANDURÃ EDITORIAL

Año: 2008

Libro paraguayo

Heta árama añongatu ko’ã ñe’ẽ. Ko’áĝa ambohasa tapichakuérape,

guaraníme oño’ẽvape, guaraníme ogueroikovéva hekove,

oguerombyasy ha oguero-purahéiva hekove.

Avy’áne ñanepytyvõ ramo jakakuaave haĝua tapicha háicha térã ñanepytyvõ ramo

jahayhuve ha ñamombareteve haĝua ñane ñe’ẽ guaraní, aretéma oñemboykéva.

MBORAYHU

Reme’ẽ oréve vy’a,

remoĩ ore apytépe

jekopyty, tekojoja.

Mborayhu,

embojuaju

ore rekove

vy’a ha vy’a’ỹme

mba’e rerekopýpe ha mba’e rereko’ỹme.

Mborayhu,

eipe’a ore apytégui

py’a tyai, pochy,

ha emongakuaa ore pa’ũme

py’aguapy, tory ha vy’a.

Mborayhu,

Embopahami ore retãme

Ñemonda, ñorairõ, jejuka.