CARLOS MIGUEL
JIMÉNEZ
CHE YVOTY MOMBYRY - Poesía de Carlos Miguel Jiménez
. Heñoi'akue Pilar-pe, ára 5 jasypokõi 1914-pe. Itúva hérava'ekue Carlos Federico Brackebusch ha isýkatu Amalia Elisa Jiménez. Imitãmema ouva'ekue Paraguaýpe oñemoarandúvo ha umi imbo'ehare apytépe oĩva'ekue Mbo'ehára arandu Delfín Chamorro. Upéi ovava'ekue Buenos Aires-pe ha upépe ohai ñe'ẽpoty ha ombohetia'e opaite aty ojapóvajepi Paraguaygua oikóva upépe, péicha oikuaajepe José Asunción Flores, Emilio Bobadilla Cáceres, Félix Pérez Cardozo ha Agustín Barboza-pe. Omano Paraguaýpe ary 1970-pe.
. CHE YVOTY MOMBYRY
I
Che angapýgui aipo'o
Ko'ã mborayhu poty
Ha péina yvytu pepo
Nde ári ohomíma oity
Hypy ha ipy'ÿive
Heta che'ahõ ñemi
Hendivekuéra oveve
Oho nemyangekoimi
.
II
Nde rerami ombojegua
Nde Sofía, che ñe'ẽ,
Ha'eñónte omohe'ẽ
Che purahéi poriahu
Ága oime che mborayhu
Ichupe omongarai
Che kuãirũ rehe ohai
Mandu'a ombopyahu
.
III
Ne korasõ rovetã
He'ihaguéicha nei
Ani remboty hatã
Jazmín ryakuãvurei
Mitãkuña Paraguái
Reko marangatumi
Che rekove oikarãi
Ne pore'ÿ kirirĩ.
.
Bibliotecas Virtuales donde fue incluido el Documento:
Leyenda:
Solo en exposición en museos y galerías
Solo en exposición en la web
Colección privada o del Artista
Catalogado en libros en artes visuales o exposiciones realizadas
Venta directa
Obra Robada
Buscador PortalGuarani.com de Artistas y Autores Paraguayos
Portal Guarani © 2021 info@portalguarani.com Wikipedia.org Apunto
