Biografía
AMARANTO VILLALBA RECALDE: (1908).
Dio a conocer su numerosa producción en revistas folclóricas, siendo el propio editor de algunas de ellas.
CARRETERO NORTE
Reikuaagui ro mandu’a
buei apére reikove
ndipori ku arete
ha ni ára ndeve guara.
Cerro, ñúre ha picada
upeicha mante nde guata
pytu’umi hagua
ne ra’aróvo ku jornada.
Hasypeve re guahe
kane’óma re mondo
abati nde re joso
re hupima mbarete.
Sebope rejepichy
médico yngui poha
tuvicháne rambosa
re’uro so’o pyahu.
Oguahe karai Cepí
enterope by’apa
pe ñatoima mbaraka
o gustama la guari.
Reikétaro nde Vallepe
pe carreta o jeguapa
kuña kateicha hoja
nde rory cencerro púpe.
Nde vallepe re guahéma
reiméma nde vy’a háre
reséma nde guata hare
ne angami rerohoryma.
Ha peichantema reikóne
mboriahu nde rekove
o guahéne otro ko’e
ha Tupa nde resapéne.
Buenos Aires 1957.
MINERO KAATY
¡Ha minero kaaty!
oiménepa ndeichagua
arakuépe reguata
remondoro kaaguy.
Oseguive kuarahy
kaaguyhe reikó
ne rembiu mandi’o
locro ha typyrati.
Upeicha reikó javeve
ara haku ha ama
nde rete ári ho’á
ndo jukai pe nde rete.
Kaaguype re jevy
ha Paraguay ha’e ve
kaante rehovere
oike peve kuarahy
Kaaguype ma reike
re ñoty nde rekove
guyra campana mante
o doblane nde rehe.
Paraguay katupyry
guerra ha kaatype
anichene o syry
tesa y nde rekovepe.
Buenos Aires, 1945
Fuente: El trino soterrado. Paraguay : aproximación al itinerario de su poesía social. Tomo II - Autor: LUIS MARÍA MARTÍNEZ - Edición digital: Alicante : Biblioteca Virtual Miguel de Cervantes, 2002 N. sobre edición original: Edición digital basada en la de Asunción (Paraguay), Ediciones Intento, [1986].