CHE YAGUY PORÃ (De LAS CIEN MEJORES POESÍAS EN GUARANÍ)

CHE YAGUY PORÃ

Autor: EMIGDIO DE JESUS MARTINEZ

 

.

CHE YAGUY PORÃ
.

Che yakã porã repupu satĩva yvyty pa’ũgui,
amambái roky ku rehasakuévo nemokunu’ũ;
ako chemitãrõ, nde syry ayvu che vy’a haguégui
péina aipyaha nde ryapu kangýgui purahéi pyahu.
 
. Pyharevete kuarahy jajái, tory reruhára,
. nde syry ryjúigui ñairno’ã vaicha opáyva opu’ã
. ha ombohory pukavy apytépe che táva rokára,
. hata kangymírne ohesapekuévo umi ne ypu’ã.
 
Ñavõ ka’aru oñembyatypáva ku ne rembe’ýre
yuhéi rata ornogue haguã maymáva guyra;
ha ornyakỹ rire ijahy’okuéra nde y piro’ýpe
oñondivepa ndereroayvu, che Yaguy porã.
 
. Nde syry koni yvoty saitépe oñembojeguáva,
. PRIMERO DE MARZO, che táva porãme ijeguakarã;
. arapy ypýro, ñu hovy mbytépe ¡mba’e iporãva!,
. ipu’akapáva ohai ikuãme, ñande Ru Tupã.

Emigdio de Jesús Martínez Ary 1955

 

 

.

Fuente: LAS CIEN MEJORES POESÍAS EN GUARANÍ . Con nuevas incorporaciones y grafía actualizada. Por PEDRO ENCINA RAMOS y TATAJYVA. Asunción-Paraguay 1997 – 425 páginas.

 

 

.

Visite la GALERÍA DE LETRAS
del PORTALGUARANI.COM
Amplio resumen de autores y obras
de la Literatura Paraguaya.
Poesía, Novela, Cuento, Ensayo, Teatro y mucho más.