ASUNCIÓN CHE TÁVA PORÃITE

Ombohasa MATILDE GALEANO

Ko 15 jasypoapýpe ñande táva Paraguay omboty 474 ary oñemopyenda hague…, vaicha tajykuéra oñemoĩmba peteĩ ñe’ẽme ha ijyvotypa hikuái ombojeguakávo ñande táva porãite.

TÁVA ASUNCION ÑEMOPYENDA

Kuatia rupive oheraguapy Mendoza, ha oñe’ẽmondo ijehaípe ojeheka hağua tape ohóva Peru gotyo, ha upe tembiaporã ou Juan de Ayolas ha Domingo Martínez de Irala. Ou ysyry Parana rupive raẽteve ha upéi ysyry Paraguáy rupive oğuahẽ meve tenda oheróva La Candelaria. Ko’ápe opyta Domingo Martínez de Irala ygakuéra rehe ha   avakuéra omoirũva chupe ndive, oguejy upépe ha oipykúi tape kyarahyreike gotyo ohóva upe tanda oĩháme itaju ha itatĩ.

Ohasa ára ha ndojeikuaái mba’eve chuguikuéra, karai Adelantado hasy ñepyrũ ha upémarõ omondo Juan de Zálazar-pe ohekávo umi guataharakuérape.

Yga rupi oğuahẽ Zalazar oĩháme Irala, ndoikuaáiva mba’eve Ayolas-gui, heta oheka rire chupe hikuái Zalazar he’i ojevýnte hağua omombe’u oikóva.

Oğuahẽ upéi ysyry Paraguáy rembe’ýpe ha upépe oñemoangirũ ñande ypykuérare ha iñe’ẽme’ẽgui chupekuéra omopyenda fuerte Nuestra Señora Santa María de la Asunción, 15 jasypoapy 1537-me.

Ombohasa MATILDE GALEANO

Documento facilitado por la Prof. MATILDE GALEANO

Registro: Octubre 2011