NDE RESA JAJÁI

Letra:  CARLOS FEDERICO ABENTE

Música:  ALEJO BENÍTEZ

NDE RESA JAJÁI

Nde ropea guygui aipo'osetéva,

nde resa rory, ojajaietéva,

che rape puku, resapehára

kuarahyve’ỹme, iñypytũro chéve;

che keguýpe oikóva, oitykua che ãme

mborayhu ohapýva che ñe’ã ruguápe;

ha opupueteíre

ndikatuiharére

mba'asy ipahápe

chemoakanundúva.

Ahetũsetéva

nde ati'y kuápe

nde pire satĩ

pacholi ryakuãme

ñane akanga'úva

jajamívove.

Ha yvytu oipejúrõ

nde áva veve

reñakaitykuévo

hi’ãvami chéve

che renói ahávo

roanuãmi hağua.

Fuente:  ÑEMITỸ, ANTOLOGÍA POÉTICA

ESCUCHE EN VIVO / LISTEN ONLINE:

NDE RESA JAJÁI

Intérprete:  GRUPO GENERACIÓN

Material:  REGALO DE AMOR