TOJEVY KUARAHY

 

Poesía de FÉLIX DE GUARANIA

 

 

Félix de Guarania : Heñoi'akue Paraguarípe, áry 1924-pe. Heratee ha’ehína Félix Giménez Gómez. Guarani ñe’ë Mbo’ehára ha ñe’ëpapára ohaíva moköive ñane ñe’ëme. Omoheñoiva’ekue heta Guarani rayhuhára aty, umíva apytépe Instituto de Lingüística Guarani del Paraguay Mbo’ehára katupyry Reinaldo Julián Decoud Larrosa ndive. Avei omoheñói Centro Paraguayo de Investigaciones Lingüísticas, ojekuaavéva Cepail-ramo. Oikundaha ñane retä tuichakue javeve ha avei oikojepe heta ary ambue tetä Europa-pegua rupi. Ohai: “Tuju nde’aho’i che retä”, “Tojevy kuarahy”, “Pétalos” ha hetaiteve ambue.
 

TOJEVY KUARAHY

Arai Ijaty
Ha ombogue
Kuarahy.
Yvytu
Oipeju
Oipete
Isaraki
Oguejy ha ojupi
Yvy ape
Omocha’ï
¡Ha pirï
ojaho’i
che ñe’ä!
Ojera ñembyasy
Ñeko’öi
Chejopy
Tesay ijavo’ói
Chemyakỹ
Yvága ipochy
Hendyvu oity
Hendy
Ha overa
Otiri
Ha ojeka
Ysyry
Havu’ä
Oguejy
Ha opu’ä
Hembe’y-
Pe oheja
Yty
Ha apa’ä.
Ha oipyhy
Morombi
Oikytï
Tekove
Ohapy
Ha omopë
¡Ombogue angapyhy!
Ñande yvy
Ñembyasy
Ojaho’i
Topa
Kirirï
Pyti’a
Ñemirï
¡Ñapu’ä
Tavaygua
Jaipeju
Arai ky’a
Jajoko pytü
Ha ro’y
Ñamombi
Amangy
Vai...!
Tosoro
Ñe’ỹrö
Ha ate’ỹ
Toso
Tove
Tojuasa
Jyva...
Tojoapy
Mbarete joja
Jaipeka
Pyhare,
Tako’ë.
¡Tojevy
kuarahy!.
 

 

Espacio web: WAPEDIA

(Web caduca, revisada en Febrero 2024)

Fuente: Ohai DAVID A. GALEANO OLIVERA

 

(ATENEO DE LENGUA Y CULTURA GUARANI)

 

 

GALERÍA DE MITOS Y LEYENDAS DEL PARAGUAY

(Hacer click sobre la imagen)