NDÉVE JHA’E

Letra de EMILIANO R. FERNÁNDEZ

NDÉVE JHA’E

Ipojhýiva mborayjhu che moguajhë ne rendápe

mbeguemi jha'évo ndéve ndentejha che Tupäsy

jha aipota che perdona ayujháre mbaracápe

amombe'u rojhayjhujha, che lucero ñemimby.

Aipotánte reicuaa co yvy ári che ajhasáva

rojhacjhúgui ai catu tuichaite ayepy'apy

nde rejhe che acävaígui asëjhape rojhechaáva

jha che képe che renóiva che lucero ñemimby.

Michïmi che mbovy'árö nde yurúgui ajha'aröva

rojhayjhu jhe'ívo chéve ne rembe rosa poty

esperanza najhavëiva jha upejhärente arecóva

sapy'ánte che rayjhúrö, che lucero ñemimby.

Nandea'eigui che rejhe che co'äicha anga aicóva

cu mita tyre'ýmícha nde rejhe ama'ë asy

rojhayjhu jha'érö ndéve yvytúpe remombóva

reroviágui otro jhe'íva che lucero ñemimby.

Upejháre che co'äicha purajhéinte ayapone

ndéve añónte ajhenducávo che py'a remimbyasy

oguajhëpeve che ára mbaraca rejheva aicóne

nde ro'yrö apurajhéivo che lucero ñemimby.

Che aicóne yepiguáicha ayevérö nde rejhénte

 yotýre ayerejháicha jhovymíva mainumby

nde pypore tasegui nde angue che renondépe

mombyry yepe rejhórö che lucero ñemimby.

Marave voi ndoicói oguajhë vaera cu ára

jhecovia ndéve ava nde vy'a py'a rory

mbegueve cu tesaýpe nenupä ne Ñandeyára

ne ñañáre chendive che lucero ñemimby

Ajhecháma anga esperanza mamovéguio ndarecói

upévare apensáma vece ajhávo mombyry

yajhechápa pende réra co che acägui ndoye'ói

ndejhegui añembuesaráivo che lucero ñemimby.

Fuente:

CANCIONES PARAGUAYAS DE AYER Y DE HOY - TOMO I

Recopilación:

MARIO HALLEY MORA

y

MELANIO ALVARENGA

Ediciones Compugraph,

 Asunción-Paraguay 1991 (192 pág.)

******************************************************************

 IMÁGENES DE NUESTRO HERMOSO PARAGUAY

Fotografía de FERNANDO ALLEN