TUPÄSY CAACUPE

Letra de EMILIANO R. FERNÁNDEZ

TUPÄSY CAACUPE

 Jha itangecha remimbíva cuarajhy che resapéva

Tupäsy che moingovéva nerendápe ayu añesü

ÑANDEYARA rayjhupápe ayu ndéve ayerurévo

che rovasami aguajhëvo Tupäsy marangatu.

Tupämba'eyára micha aguajhe nerendaitépe

purajhéi jha ñembo'épe roñuavo TUPÄSY

aipota che rechami co che po ajhupívo ndéve

jha ejhupytycámo chéve pocatu jha piro'y.

Po'a'ÿgui co ára pype poyjhu guýpe acacuaáva

jha upevere ajha'ava che rape amopotï

chendive roguerecóva yasy micha che resape

jha mamo iñypytujhápe rojhecháva remimbi.

Jha'upévare co'ága che ra'y remonguerávo

Tupäsy nde ypýpe ayávo aguajhëta rojhetü

jha jha'éta purajhéipe yvy póra jhe'i ynva

che yurúpe ombopotýva ne memby NIÑO JESUS.

Ema'ëna orerejhe TUPÄSY oreresapéva

yvy póra roicovéva ñaña pópe oñondive

jha embogue ore rapégui pe tata ore rapýva

jha ani oyotyvýra roma'ëvai oyuejhe.

Nde pocatúnte oipe'áne ivaígua ore acägui

jha oyojhéine ore py'águi ñeroyrö mba'e pota

nde pocatúnte oguerúne ivaíva rendaguépe

omyasäi ore apytépe cu yvytu piro'ysä.

Ivaíva jha iporäva iñaña imarangatúva

itavýva jhi'arandúva TUPÄSY emoma'emi

imbocáva ikyseva py'arógui itie'yva

jhapera ojhechave'ÿva emombia orejhegui.

TUPÄSY yvagapy yéra TUPÄSY che sämbyjhýva

che rapépe remuendýva ma'e mimbi cuemi

eyurureke che rejhe taguajhe TUPA ypýpe

jha ajhávo apyre'ÿme nde ese che ruguaiti.

Fuente:

CANCIONES PARAGUAYAS DE AYER Y DE HOY - TOMO I

Recopilación:

MARIO HALLEY MORA

y

MELANIO ALVARENGA

Ediciones Compugraph,

Asunción-Paraguay 1991 (192 pág.)

*****

IMÁGENES DE NUESTRO HERMOSO PARAGUAY

Fotografía de FERNANDO ALLEN

ENLACE A LA GALERÍA DE MÚSICA PARAGUAYA

EN PORTALGUARANI.COM

 (Hacer CLICK sobre la imagen)

Letras de Música Paraguaya

MÚSICA PARAGUAYA - Poesías, Polcas y Guaranias - ESCUCHAR EN VIVO - MP3

MUSIC PARAGUAYAN - Poems, Polkas and Guaranias - LISTEN ONLINE - MP3