PYTÜMBY YAVE

Polca de EMILIANO R. FERNÁNDEZ

PYTÜMBY YAVE

Lucero mimbi leste pe resëva pytümby pamívo

egueyïna ápe ndéve jha'ese che remimbyasy

yajhechapa nde na che angapyjhyi remombe'umívo

mamópa oime nde yoguajhaite, cu che Tupäsy.

Jhetaitéma ára che py'a angata co'ä ca'aguýre

jha marö ñe'ëmi ndejhupytyvéi anga ichugui

jhogue manombáma co che mbya'ujhéi ituyúma yvýre

jha jha'e cu oiméne acói ovy'a upe che camba mi.

Marápa yvy ári aicovesevéne äichante aicovérö

mba'embyasy guype co'ë co'ëvevo che piru che cä

jhesénte apensávo che apytu'u cuápe añandúma oikerö

ymaite guaré cu orerecocue oyetypeca.

Jheta aporandúma oicuaa vaeräme pe jhakycuerére

ndaipóri yvytu omombe'úva chéve mamópa oime

ni oimépa oicove, oimépa jhesäi, oimépa yvy apére

noticia ichugui noguajhëvai chéve araca'eve.

Ne rague lucero ca'aru pytü reyúva reina

yvate eyupi ema'ë porä jha upégui egueyï

eicuaa jhenda jha ere mi anga chéve cóina ape jhina

ymaite guivéma nde képe oicóva ne mba'e cañy.

Lucero mimbi leste pe resëva pytümby oñuvävo

nde rejhe amañáta cada ca'aru, cada pytümby

ndévema ajheyáta pe nde recojhare eguyguy jhecávo

che jhegui ocañyva nde yogua jhaite cu che Tupäsy.

Fuente:

CANCIONES PARAGUAYAS DE AYER Y DE HOY - TOMO I

Recopilación:

MARIO HALLEY MORA

y

MELANIO ALVARENGA

Ediciones Compugraph,

Asunción-Paraguay 1991 (192 pág.)