ÑE’Ẽ - POEMARIO EN GUARANI PAĨ, GUARANÍ PARAGUAYO Y CASTELLANO

por GREGORIO GÓMEZ CENTURIÓN

(PARAGUÁI RE’ÝI. CHOKOKUE HA PAINGUÉRAGUI HENDUPYRE.

KUÑA HA KUIMBA’E, JEGUAKA HA JASUKÁVA REMIANDU)

Oñani ojuasa ha ho’árõ, opu’ã

Tala’ytope guarã ñoite

Asunción, 2 de noviembre de 2003

Toñani tojuasa py mbeju py chipa

ha tou ha toho ha toho ha tou

hatãve toñani toñani hatãve

juku’a kane’õ kane’õ juku’a

kundahápe toiko mita’i karape.

 
Oñani ha oñani kane’õ ndoikuaái

oipykúi pe tape pe tape ko oipykúi

ha opyta sapy’a sapy’árõ opyta

nahetũi py mbeju ahetũ py chipa

mitãmi aveju che py’a reraha.

 
Py mbeju imbegue py chipa itenonde

mokõivéva oñani oñani mokõive

pehejána toiko ha toiko ojueheve

jupyty ha juasa ndojuavýi mokõive

pehejána toiko mitãmi jukyete.

 
Sapy’ánte ho’a pya’evéma opu’ã

py mbeju imbeguese sapy’ánte imbegue

py chipa itenonde katuete ipya’eve

ojuapére ave oiko ndojuejái márõve

ijehénte oñe’ẽ mitãmi porãite.