PortalGuarani.com
Inicio El Portal El Paraguay Contáctos Seguinos: Facebook - PortalGuarani Twitter - PortalGuarani Twitter - PortalGuarani
RAMÓN R. SILVA

  PYHAREPYTE LUISÕ NDIVE (Poesía de RAMÓN SILVA)


PYHAREPYTE LUISÕ NDIVE (Poesía de RAMÓN SILVA)
PYHAREPYTE LUISÕ NDIVE

Poesía de RAMÓN SILVA
 
 


Heñoi'akue Takumbu, Paraguaýpe, 1954-me. Ary 1993-pe, oiko chugui Licenciado Guarani ñe’ẽme UNA-pe. Ohaíma heta aranduka, péicha: "Hovere vere", "Tangara tangara" ha "Arandu ka'aty aty".
 
 
 

PYHAREPYTE LUISÕ NDIVE
 
Pyharepyte Ho’ysãvy
 
Arapoteĩ oñakãity
 
Itĩndy, oñeno, oke
 
Jasy akã guasu
 
Resa pytã sa’yju rurupa
 
Opu’ã, ojupi
 
Ovu, ovu okaputarõguáicha
 
Ijapu’a hendy, ojupi oho
 
Arai hũ hapykuéri
 
Oipyho
 
OjokoOikarãi ipepo sarambi
 
Volicho’ípe lo mitã
 
Hoy’uventehína guári
 
Che ajeréma che róga gotyo
 
Topytánte ha’ekuéra
 
Pyharepyte
 
Aguata che año peteĩ
 
Ka’utõre purahéi amboveve yvytúre
 
Tuñe’ẽ amyasãi tapére
 
Ha upeichaháguinte
 
Jaguakuéra oñarõmbajoa
 
Oñarõ kyhyje
 
Oñaro agui
 
Ju’ikuéra ayvu okirirĩmbaite
 
Tapepo’i rire káncha mbytépe
 
Ahendu
 
Sapukái po’ívaicha
 
Guahu guasu che añuã
 
Amondoho turuñe’ẽ
 
Purahéi opa’ã
 
Amokõ tendy
 
Pirĩ ojupi mbeguemi che retymáre
 
Napenaigua’uAguata mbegueve
 
Upéi ahechámakatu
 
Ahechámakatu
 
Mba’ehũ guasu ojapajeréiva
 
Opyta, cherechávaicha
 
Oguapy ñeno
 
Hesa guasu
 
Hesa po vera hendy sa’yju
 
Yvytu ro’ysã peju po’i
 
Che rova heréi
 
Che aho’i nero
 
Amaña che jerére
 
Mavavéva ndaipóri, che añoite
 
Añemondyinunga
 
Amokõ tendy ha opa’ã che hay’ópe
 
ChepytỹAñembotavy
 
Chéko karia’y ndaipóri kyhyje
 
Mba’éguipiko akyhyjéta
 
Amaña yke
 
Jaguánteko ha’e chejupe
 
Aturuñe’ẽ teĩteĩ
 
Aguata mbegue kyhyje
 
Aguata mbegueve
 
Añemboja
 
Mba’ehũ guasu cherechávaicha
 
Opo
 
Opu’ã
 
Apyta
 
Ou
 
Jaguaita hapykuéri
 
Ajera, ajera
 
Oúko
 
Cheruguaitĩta
 
Oñemboja
 
Ohasase che rakãmbykua rupi
 
Amboty
 
Chepirĩmbaite
 
Ojupi to’ysã ratã che retére
 
Ajetyvyro
 
Aguatase
 
Cheratãmbaite
 
Che py oñeñapytĩ yvýre
 
Apukase
 
Cherasẽse
 
Añanise
 
Akuaruse
 
AsapukaiseChe resa osẽ okápe
 
Che pytuhẽ
 
Che ñe’ã operere, opopo, osẽse, okapuse
 
Añembo’e
 
Luisõ ojekyty che kasõre
 
Ajeraite
 
Ambovu kamisa lómo
 
Pejeíke che rapégui
 
Ajapyhara ñanandy
 
Ha’a
 
Apu’ã
 
Apo
 
Aike che rógape
 
Chararápe
 
Mbururúpe
 
Añemombo che rupápe
 
Chekane’õ sororo
 
Tuichaiterei añemondýi.
.

 
(ATENEO DE LENGUA Y CULTURA GUARANI)
 
 
 
 
 
 

ENLACE INTERNO A ESPACIO DE VISITA RECOMENDADA

EL IDIOMA GUARANÍ, BIBLIOTECA VIRTUAL en PORTALGUARANI.COM


(Hacer click sobre la imagen)

 





Bibliotecas Virtuales donde se incluyó el Documento:
IDIOMA
IDIOMA GUARANÍ - POESÍAS - MÚSICAS - ESTUD



Leyenda:
Solo en exposición en museos y galerías
Solo en exposición en la web
Colección privada o del Artista
Catalogado en artes visuales o exposiciones realizadas
Venta directa
Obra Robada




Buscador PortalGuarani.com de Artistas y Autores Paraguayos

 

 

Portal Guarani © 2024
Todos los derechos reservados, Asunción - Paraguay
CEO Eduardo Pratt, Desarollador Ing. Gustavo Lezcano, Contenidos Lic.Rosanna López Vera

Logros y Reconocimientos del Portal
- Declarado de Interés Cultural Nacional
- Declarado de Interés Cultural Municipal
- Doble Ganador del WSA