ÑE’Ẽ - POEMARIO EN GUARANI PAĨ, GUARANÍ PARAGUAYO Y CASTELLANO

por GREGORIO GÓMEZ CENTURIÓN

(PARAGUÁI RE’ÝI. CHOKOKUE HA PAINGUÉRAGUI HENDUPYRE.

KUÑA HA KUIMBA’E, JEGUAKA HA JASUKÁVA REMIANDU)

Che yvoty mirĩ

(kotyhu oka)

Guasu Kora, Villeta 1995
Pore’ỹ rata che rete rapy

nderejúi rupi che jeguakami

nepyambu neipo ne ñe’ẽ ahendu

rohechanga’u che yvoty mirĩ.

Mba’épa nde ere kuña piretĩ

ehejána chéve nde jechakague

anýma haguã che reguã rasy

nde rechanga’úgui che yvoty mirĩ.

 
Ei apyingua re’ẽ nde juru

kotyhu ñesũ nde rete koni

nde poku ha’e ku guachã mirĩ

Ñande Ru rajy kuña piretĩ.

 
Che roýpy oime ñane mba’erã

itymbýryeta koyngusu ja’e

ha tamora’e che po’a ko’ẽ

kuña piretĩ jaha chendive.