ÑE’Ẽ - POEMARIO EN GUARANI PAĨ, GUARANÍ PARAGUAYO Y CASTELLANO

por GREGORIO GÓMEZ CENTURIÓN

(PARAGUÁI RE’ÝI. CHOKOKUE HA PAINGUÉRAGUI HENDUPYRE.

KUÑA HA KUIMBA’E, JEGUAKA HA JASUKÁVA REMIANDU)

Tokemíke akã chorõrĩ

Asunción, 2 de noviembre de 2003

Ko ñane... ko ñane mitãmi

okeséma ha ipirĩ pirĩ

okeséguima ipirĩpirĩ

ko ñane... ko ñane mitâmi.

 
Kangypa oguejýma hetére

pyryrýĩ mbiriki hetaite oiko rire

hopehýima aveju chorõrĩ

taipete vevuimi ha toke pya’ete.

 
Hopehýima mitã chu’imi

pyryrýĩ mbiriki hetaite oikorire

hopevýma aveju chorõrĩ

tahe’ýĩ ko iñakã ha toke pya’eve.

 
Ha iporãma añete okemi

kundaha pyryrýĩ hetaite oiko rire

okevýma akãju picha’ĩ

taipeka aveju chororĩ ha toke hatãve

ha toke... ha topáy porãite.