IMOMORAMBY

Polca

Letra: CRISPINIANO MARTÍNEZ

Música: EMILIO BOBADILLA CÁCERES

IMOMORAMBY

Ku mbyja ka'arupy osẽva ha'eñomi
Upéichaite remimbi neporãgui che reindy
Ahecháva pytũmby torypaitépe resẽ
Yvotýpe rejegua ndijavýi ku tupãsy.
.
Nde nova pytãngymi nde pire katu kamby
Ha nde áva hũ asy, oñeñopẽ jovaimi
Nde pyti'áre avei hi'aju atã asy
Angaiparã che reindy ku mokõi yvamimi.
.
Ha'ete ku túna aju, pe ne rembe pytãite.
Hesénte amano mboyve hi'ãva chéve akambu
Nde reko imarangatu, pykasúpe ha'ete
Kunu'ũ raity meme, ne ñe'ẽ música pu.
.
Repukavývo hory nde resa hũ veraite
Ha ojeka umi ne rembe ñaimo'ã rosa poty
Ha umi jasy kypy'y nde tyvyta mokõive
Ikarapã porãite, ¡Ko mba'e imomorãmby!
.
Ho'a vove pytũmby pe che rokárape asẽ
Ha ama'ẽvo nderehe añandu cheangapyhy
Hi'ãntepa tupãsy nichomíme romoinge
Ha upépe ndéve añoite che mborayhu taipoty.
.
Maymárõ porãku'i nderehénte ijatypa
Ha yvypóra angaiparã Ñandejára nemoĩ
Che po'anga'u heñói, pe Tupãme ajerure
¡Chemba'erãnteko che, roipota kuñataĩ!

ESCUCHE EN VIVO/ LISTEN ONLINE:

IMOMORÃMBY

 Intérprete:   LUZ AURORA

Material:  CANTO Y SENTIMIENTO - Volumen 2

ENLACE A LA GALERÍA DE MÚSICA PARAGUAYA

EN PORTALGUARANI.COM

(Hacer CLICK sobre la imagen)

MÚSICA PARAGUAYA - Poesías, Polcas y Guaranias - ESCUCHAR EN VIVO - MP3

MUSIC PARAGUAYAN - Poems, Polkas and Guaranias - LISTEN ONLINE - MP3